Igikombe cy’Amahoro 2017 kizatangira mu Cyumweru gitaha

Ijonjora rya mbere rizaba rigizwe n’amakipe 22 azahura hagati yayo hakazamuka amakipe 16 aziyongera kuri 16 asanzwe mu cyiciro cya mbere akaba 32 hakaboneka uko hakinwa 1/16 cy’irangiza dore ko na tombola yacyo iteganyijwe kuwa 19 Mata 2019.

Amakipe ari mu cyiciro cya mbere uyu mwaka azaba akina ijonjora rya mbere harimo; Pepiniere FC, Musanze FC na Kirehe FC.

Dore uburyo irushanwa riteye:

*Imikino yo gukuranwamo (Knock-Out) izakinwa kuwa 7-8 Werurwe 2017 izasiga amakipe 11 azatsinda n’andi atanu (5) azaba atatsinzwe mu buryo bukabije (Best Loosers) kugira ngo harokoke amakipe 16.

*Aya makipe 16 aziyongera ku yandi 16 ku rutonde rw’igikombe cy’Amahoro cy’umwaka ushize kugira ngo haboneke amakipe 32 azajya muri tombola ya 1/16. 

*Ikipe ya Rayon Sports ni yo ifite iki gikombe yatwaye kuwa 1 Nyakanga 2016 itsinze APR FC igitego 1-0 cyatsinzwe na Ismaila Diarra ku mukino wa nyuma, binatuma iri mu mikino Nyafurika. Iyi kipe yambara ubururu n’umweru yo yamaze kwibikira itike ya 1/16 ubwo yatwaraga igikombe.

Uko amakipe azahura mu mikino y’ijonjora rya mbere:

 Kuwa Kabiri tariki 7 Werurwe 2017

*Gitikinyoni Fc vs Intare Fc (Muhanga, 13.00)
*Hope Fc vs Esperance Fc (Muhanga, 15.30)

Kuwa Gatatu tariki  8 Werurwe 2017

*Sorwathe Fc vs Vision JN (Musanze, 15.30)
*UR Fc vs Pepiniere Fc (Muhanga, 13.00)
*Heroes Fc vs United Stars (Muhanga, 15.30)
*Akagera Fc vs Etoile de l’est (Rwamagana, 13.00)
*Nyagatare Fc vs Kirehe Fc (Rwamagana, 15.30)
*Aspor Fc vs Vision Fc (Ferwafa, 13.00)
*Rwamagana City Fc vs Gasabo United (Ferwafa, 15.30)
*Musanze Fc vs SEC Fc (Stade de Kigali, 13.00)
*Miroplast Fc vs Rugende Fc (Stade de Kigali, 15.30)

FC Musanze ni imwe mu makipe ari mu cyiciro cya mbere cy'uyu mwaka izitabira ijonjora rya mbere