Ku mugoroba w’uyu wa Gatatu tariki 20 Kamena 2018 ni bwo ikipe y’igihugu ya Espagne yabashije kubika amanota atatu y’umukino wa kabiri mu itsinda rya kabiri (B) itsinze Iran igitego 1-0 cyatsinzwe na Diego Costa usanzwe ari rutahizamu wa Atletico Madrid.
Ni igitego cyaje nyuma y'uko igice cya mbere cyaranzwe no kugarira gukomeye ku ruhande rwa Iran wabonaga badashaka kwinjizwa igitego ahubwo bashakaga nibura kunganya kugira ngo buzuze amanota ane kuko amanota atatu y’umunsi bari bazi neza ko kuyabona byaba ari amateka aje yiyongera mu yandi.
Ku munota wa 54’ ubwo Espagne bari bafashe gahunda yo kotsa igitutu ubwugarizi bwa Iran, Diego Costa yateye umupira igana mu izamu ukora ku kaguru ka Ramin Rezaeian myugariro wa Iran bityo igitego kiba kiranyoye muri ubwo buryo.
Iran yaje kwishyura iki gitego baranakishimira ariko ikoranabuhanga ry'amashusho (VAR) ryemeza ko bari bararaririye bityo Iran ikomeza gukina ishaka igitego mu mukino warebwe n'abafana 42718.
Espagne yahise igira amanota ane mu mikino ibiri kuko umukino ubanza yanganyije na Portugal ibitego 3-3. Portugal kuri ubu ni iya mbere n’amanota ane n’igitego kimwe izigamye. Iran ni iya gatatu n’amanota atatu nta gitego ibazwa cyangwa izigamye naho Maroc ni iya nyuma nta nota ahubwo irimo umwenda w’ibitego bibiri bisa naho ibyayo byamaze kurangira uretse ko isigaje umukino igomba gukinamo na Espagne kuwa Mbere tariki 25 Kamena 2018.
Isco (22) asanganira Diego Costa nyuma yo kubatsindira igitego
Diego Costa yashose Ramin Rezaeian umupira ugana mu izamu
Abakinnyi ba Espagne bishimira igitego
Ku munota wa 61' Iran bishyuye basanga baraririye
Ezatolahi (6) yatsinze aranishima bikomeye ariko amashusho amugwa nabi cyane
Coup franc ya David Silva yari kuba ikindi gitego cya Espagne ntibyaba amahire
David Silva ashaka ubundi buryo bw'igitego
Diego Costa aganira n'umusifuzi
Beiranvand umunyezamu wa Iran ntako atari yagize
Aha Diego Costa yashakaga igitego ku bubi n'ubwiza
Abafana ba Iran
Mbere y'uko umukino utangira Isco yabanje kurwana no gukura inyoni mu kibuga
PHOTOS: DailMailOnline
Eng
RSS 
TANGA IGITECYEREZO