FERWAFA ntirashira amakenga urugendo rwa Milutin Micho muri Uganda

Uyu mutoza utaratanze umusaruro Abanyarwanda ndetse n’ubuyobozi bw’umupira w’amaguru bwari bumwitezeho arabura amezi arindwi gusa kugira ngo amasezerano afitanye n’ikipe y’igihugu arangire ndetse hakaba hari amahirwe menshi ko adashobora kongezwa andi.

Micho akaba yarerekeje mu gihugu cya Uganda mu cyumweru gishize gusa ahakana yivuye inyuma ko nta biganiro yigeze agirana n’ishyirahamwe ry’umupira w’amaguru muri Uganda (FUFA).

Kugeza ubu Milutin Micho arabarizwa mu mujyi wa Istanbul muri Turikiya aho yagiye kwivuza nkuko yasize abimenyesheje FERWAFA, nyamara ibinyamakuru byo muri Uganda biratangaza ko ari gusaba akazi ko gutoza Uganda.

Nk’uko  bitangazwa na The New Times, Umunyamabanga mukuru wa FERWAFA, Michel Gasigwa aravuga ko bagiye gukora iperereza kugirango bamenye neza niba koko Micho yarajyanywe no kwivuza cyangwa se niba ari kwishakira akandi kazi.

Gasigwa yakomeje avuga ko ari uburenganzira bwe kuba yajya aho ashaka kandi ko ashobora no kuvugana n’andi makipe amushaka gusa kuba yaba yarabeshye ko agiye kwivuza byaba ari ikibazo ndetse bagomba guperereza bakamenya neza.

Ubusanzwe Micho azwi muri Uganda nk’umutoza wazamuye abakinnyi bakomeye muri Uganda ubwo yatozaga SC Villa akabashakira amakipe hanze barimo Nestroy Kizito, Posney Omony, Phillip Ssozi, Batabaire na Dennis Onyango.

Tubibutse ko Micho yatangiye gutoza amavubi mu mwaka wa 2011 ubwo yitabiraga CECAFA y’ibihugu yitwara neza agera ku mukino wa nyuma atsinzwe na Uganda kuri Penaliti. Nyuma yaho yaje kunganya na Nigeria I Kigali atangira kugirirwa icyizere.

cyaje kuraza amasinde kuko atabashije kugeza Amavubi mu gikombe cya Afurika ndetse n’icy’Isi ugereranyije nuko amaze kwitwara mu itsinda Urwanda rurimo.

Ikibazo cyibazwa na benshi nyuma yo kuvugwaho gushaka kwigira gutoza amakipe y’ibihugu duturanye birimo Kenya na Uganda.      

Rutaganda Ponny