FERWAFA itegereje ko FIFA yemerera Issa Bigirimana gukinira u Rwanda

Emery Kamanzi ushinzwe ibikorwa by’ikipe y’igihugu (Team Manager) yemereye abanyamakuru ko FERWAFA yateye intambwe yandikira Impuzamashyirahamwe y’umupira w’amaguru ku isi (FIFA) isaba ko yareba neza niba Issa Bigirimana nta yindi miziro afite kugira ngo abe yashyirwa mu ikipe y’igihugu Amavubi.

“Habamo kwandika, hakabaho no gutegereza kuko muzi inzira FIFA ibicishamo (Procedures), hakaba n’ibyangombwa baba basabye babwiriza gutanga biza no gutangwa mu ishyirahamwe aba yarakinnyemo. Ibyo byose ni ibyangombwa biba bikenewe intambwe bisaba zo zaratangiwe ariko navuga ko ari ibintu bikiri mu nzira ariko intambwe ya mbere yo irimo irakorwa”. Kamanzi Emery

Issa Bigirimana kuri ubu ni umukinnyi w’ikipe ya APR FC wanakiniye ikipe y’igihugu y’u Burundi mu bakinnyi batarengeje imyaka 17 kuri ubu akaba akina nk’uwushaka ibitego yaba aturuka imbere y’izamu cyangwa aciye ku ruhande rw’iburyo nk’uko ari gukoreshwa muri iyi mikino y’igikombe cy’Amahoro. Mu mikino ya shampiyona y’uyu mwaka w’imikino 2016-2017 yabashije gutsinda ibitego bitandatu (6).

Issa Bigirimana mu mukino APR FC yanyagiyemo Sunrise FC ibitego 4-0 mu gikombe cy'Amahoro 2017 yanabonyemo igitego

Ibyangombwa byaburiwe Kagere Meddie biri gushakirwa Issa Bigirimana