Ahabanza Imikino

CYCLING: Mugisha Samuel mu ikipe y’igihugu izakina Tour de l’Avenir 2018

Yanditswe na: Mihigo Saddam
Taliki:14/08/2018 9:06 0

Mugisha Samuel umunyarwanda uheruka gutwara Tour du Rwanda 2018 yahamagawe mu ikipe y’igihugu y’abakinnyi batandatu (6) bazakina irushanwa mpuzamahanga rya Tour de l’Avenir 2018 mu Bufaransa.

Mugisha Samuel wegukanye Tour du Rwanda 2018 kuwa 12 Kanama 2018yari mu ikipe y’abakinnyi batandatu bahesheje u Rwanda itike ya Tour de l’Avenir 2018 ubwo begukanaga Tour de l’Espoir 2018.

Mugisha Samuel mu mwambaro w'umuhondo

Mugisha Samuel yatwaye Tour du Rwanda 2018

Areruya Joseph umunyarwanda ukina mu ikipe ya Delko Marseille mu Bufaransa ari mu ikipe y’igihugu y’u Rwanda (Team Rwanda) yahamagariwe kuzakina irushanwa rya Tour de l’Avenir 2018 irushanwa rigereranwa na Tour de France ariko ikinwa n’abatarengeje imyaka 23.

Areruya Josrph aseruka ava mu kibuga cy'indege

Areruya Joseph niwe watwaye Tour de l'Espoir 2018

U Rwanda rwabonye itike nyuma yo kuba muri Mutarama 2018 Areruya Joseph yaratwaye iri siganwa bityo bigatanga uburenganzira bwo kuba kiuva kuwa 17-23 Kanama 2018 bazaba bahatana muri iri siganwa ryitabirwa n’umugabo rigasiba undi.

Iyo urebye mu ikipe yakinnye Tour de l’Espoir 2018 usanga habayemo impinduka imwe gusa mu bakinnyi bahamagawe kuko Ruberwa Jean Damascene yasimbuwe na Manizabayo Eric. Abandi ni Munyaneza Didier, Hakiruwizeye Samuel, Mugisha Samuel na Ukiniwabo Rene jean Paul.

Abakinnyi batanu (5) barimo; Manizabayo Eric, Munyaneza Didier, Hakiruwizeye Samuel, Mugisha Samuel na Ukiniwabo Rene jean Paul bahagurutse i Kigali kuri uyu wa Kabiri tariki 14 Kanama 2018 saa mbii z’igitondo (08h00’) bagana mu Bufaransa aho bagomba guhurira na Areruya Joseph usanzwe abayo.

Inzira za Tour d’Avenir:

Tariki 17 Kanama 2018: Etape 1: Grand-Champ-Eleven (138.2 Km)

Tariki 18 Kanama 2018: Etape 2: Dreffeac-Chateaubriant (144.2 Km)

Tariki 19 Kanama 2018: Etape 3:Le Lude-Chateaudun (171.2Km)

Tariki 20 Kanama 2018: Etape 4:Orleans-Orleans (20.2 Km/ITT)

Tariki 21 Kanama 2018: Etape 5: Beaugency-Levroux (145.8 Km)

Tariki 22 Kanama 2018: Etape 6: Le Blanc-Cerilly (181.1 Km)

Tariki 23 Kanama 2018: Etape 7: Moutiers-Meribel (35.4 Km/Mountain)

Abakinnyi b'u Rwanda bitabiriye Tour de l'Espoir 2018

Uva ibvumoso:Munyaneza Didier, Ruberwa J.Damascene,Ukiniwabo Rene Jean Paul, Mugisha Samuel, Areruya Joaseph na Hakiruwizeye Samuel abari mu ikipe y'igihugu yatwaye Tour de l'Espoir 2018