RFL
Kigali

CECAFA KAGAME CUP 2018: APR FC yatsinzwe na Simba SC mu mukino Kagere Medie yabonyemo igitego

Yanditswe na: Mihigo Saddam
Taliki:2/07/2018 17:37
6


Ikipe ya APR FC yatsnzwe umukino wa kabiri mu irushanwa rya CECAFA KAGAME CUP 2018 itsinzwe na Simba SC yo muri Tanzania ibitego 2-1 mu mukino wabo wa kabiri mu itsinda rya gatatu kuko baheruka gutsindwa na Singida United ibitego 2-1.



APR FC ifite igikombe cya shampiyona ya 2017-2018 ni yo yatangiye ireba mu izamu ku gitego Nkizingabo Fiston ku munota wa 67’ mbere y'uko Adam Salamba wa Simba SC yishyura ku munota wa 72’.

Ku munota wa 90+3’ ni bwo Kagere Meddie yabonye igitego cya penaliti yateye nyuma yuko yari azamukanye umupira bikaba ngombwa ko Nsabimana Aimable amufata akamushyira hasi kuko nta kindi yari gukora cyari kurokora Ntaribi Steven wari mu izamu rya APR FC.

Muri uyu mukino ikipe ya Simba SC yagiye igira umusaruro uri hejuru w’uwa APR FC kuko bagumanye umupira ku kigero cya 54% mu gihe APR FC bawuhanahanye ku kigero cya 46%.

Simba SC bateye amashoti ane (4) agana mu izamu mu gihe APR FC babonye arindwi (7) yabyaye igitego kimwe (1). Simba SC bateye amashoti atanu (5) aca kure y’izamu naho APR FC babona amashoti nk’aya atatu (3).

Simba SC bateye koruneri eshanu (5) naho APR FC batera eshatu (3) mu minota 90’ banakora amakosa icumi (10) mu gihe Simba SC bakoze amakosa 13. Buri kipe yabonye ikarita imwe (1) y’umuhondo.

Nyuma y’umukino, Mugiraneza Jean Baptiste Miggy kapiteni wa APR FC yabwiye Azam TV ko nka APR FC bakinnye neza ariko batabaniwe n’abasifuzi bityo bigatuma Simba SC ibatsinda mu buryo bworoshye.

Ljubomir Petrovic umutoza mukuru wa APR FC wanagaragaye nyuma y’umukino ashaka gufata abasifuzi mu mashati, yari yakoze impinduka mu bakinnyi 11 ahereye mu izamu kuko habanjemo Ntaribi Steven. Buregeya Prince Aldo na Byiringiro Lague bisanze muri 11 babanje mu kibuga. Hakizimana Muhadjili, Kimenyi Yves na Iranzi Jean Claude bari mu bakinnyi babanje hanze.

APR FC iri mu itsinda rya Gatatu kumwe na; Singida (Tanzania), Simba (Tanzania) na  Dakadaha (Somalia) bafinye umukino kuri uyu wa Kabiri tariki 4 Nyakanga 2018. 

Abakinnyi babanje mu kibuga:

APR FC XI: Ntaribi Steven (30), Ombolenga Fitina 25, Imanishimwe Emmanuel 24, Rugwiro Herve 4, Nsabimana Aimable 13, Buregeya Prince Aldo 18, Buteera Andrew 20, Mugiraneza Jean Baptiste Miggy (C,7), Byiringiro Lague 14, Nkizingabo Fiston 29 na Nshuti Dominique Savio 27

Simba SC: Ally Salim (GK), Ally Shomary, Mohammed Hussein, Paul Bukaba, Pascal Wawa, Mzamiru Yassin, Said Ndemla, Mwinyi Kazimoto, Kagere Meddie, Adam Salamba na Marcel Kaheza.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • RUGINA5 years ago
    ndishimye cyaneeeee , izo stars a domicile nizigaruke zitegure icyamahoro. nubundi bateteye mu rwanda niho bahimbira ntaho bazigeza
  • Ukuri5 years ago
    Nta kundi. Ni ukwisuganya tugahindura byinshi kuko nabonye hagati habura imbaraga, ikindi nta muvuduko. Gusa Byiringiro ni umuhanga pe pe pe. Ni ubwambere namurebye akina. Bravo Byiringiro Lague
  • 5 years ago
    Mbega MIgi, bamenyereye iby'i Kigali. Ngo umusifuzi. None se bagira ga ngo bibe nk'ibyo bikoresha mu Rwanda bakabihorera. Erega ibi nibyo bizahoza ruhago yo mu rwanda hasi. ikipe zimwe guhabwa byose yewe no guteteshwa, izindi zikirwariza n'ibyo zibonye bakiziteraho bikaba intambara.
  • Niyomugabo Felix5 years ago
    APR FC Nibihangane ntibacike intege
  • nagatomo5 years ago
    genda Apr urakina ukaba umwe unsinze 2 wikurikiranya koko??? icyo nicyo gituma nikundira gikundiro ngaho gira utuzanire igikombe
  • Kk5 years ago
    Nihame hamwe bayikubite





Inyarwanda BACKGROUND