Kuwa Mbere tariki 15 Mutarama 2018 ni bwo muri Gabon hatangiye isiganwa mpuzamahanga ngarukamwaka ryo gusiganwa ku magare, isiganwa ryitabiriwe n’ikipe y’u Rwanda. Kuri uyu wa Gatatu haraba hakinwa agace ka Gatatu mu rugendo rukiyobowe na Carstensen Lucas, umudage ukinira Bike Aid umaze gukoresha 7h45m03s mu ntera ya Km 319.6.
Iri siganwa ryatangira ku nshuro yaryo ya 12 kuva mu 2006, Yohann Gène (France) ukinira Directe Energie niwe uribitse nyuma yo kuryegukana mu 2017. Ku munsi wa mbere, bakoze intera ya kilometero 146.6 (146.6 Km) bava mu gace ka Kango bagana Lambarene. Carstensen Lucas yaje imbere y’abandi akoresheje 3h41m52s.
Gusa bigendanye n’uburyo basoje mu gikundi (Sprintal Finish), abakinnyi 35 bose bahawe ibihe bingana n’ibya Lucas wabaye uwa mbere. Muri aba bakinnyi 35 baje inyuma ya Lucas ni naho hari Uwizeyimana Bonaventure waje ku mwanya wa 18 nawe anganya ibihe n’uwa mbere (3h4152s).
Munyaneza Didier yaje ku mwanya wa 33 mu gihe Areruya Joseph watwaye Tour du Rwanda 2017 yaje ku mwanya wa 40 akoresheje 3h41m59s naho Ukiniwabo Rene Jean Paul yaje ku mwanya wa 43 akoresheje 3h42m20s.
Uwizeyimana Bonaventure ni we munyarwanda uri kuza hafi mu irushanwa
Ku munsi wa kabiri w’irushanwa wakinwaga kuri uyu wa Kabiri tariki 16 MUtarama 2018. Abasigawa bakoraga intera ya kilometero 173 (173 Km) bava ahitwa Ndende ugana Fougamou. Jones Brenton Umunya-Australia ukinira Delko Marseille Proven yaje ku mwanya wa mbere akoresheje 4h03m25s.
Aha na none ntabwo byari byoroshye kuko abakinnyi 43 bose baje banganya ibihe na Brenton wabaye uwa mbere akanambikwa umwenda w’umuhondo nk’uwatwaye agace (Vainqueur de l’Etape). Carstensen Lucas wari watwaye agace ka mbere yaje ku mwanya wa kabiri nawe afite ibihe bimwe na Brenton.
Muri aba bakinnyi 83 baje banganya ibihe na Jones Brenton ni ho harimo Uwizeyimana Bonaventure waje ku mwanya wa 21, Munyaneza Didier yaje ku mwanya wa 39.
Ukiniwabo Rene Jean Paulyaje ku mwanya wa 47 akoresheje 4h03m25s. Ndayisenga Valens watwaye Tour du Rwanda 2014 na 2016 yaje ku mwanya wa 77 akoresheje 4h03m25, yakurikiwe na Areruya Joseph ku mwanya wa 78, Ruberwa Jean Damascene aza inyuma yabo ku mwanya 79. Ni agace katangiwe n’abakinnyi 89 ariko hasoza 86 kuko batatu (3) baje kuvamo bakiri mu nzira.
Nyuma y’uduce tubiri (2), Carstensen Lucas araba asiganwa agace ka gatatu ari imbere ku rutonde rusange (General Classification) kuko mu ntera ya Km 319.6 amaze gukoresha 7h45m03s. Kuri uru rutonde, Uwizeyimana Bonaventure ni we munyarwanda uza hafi kuko ari ku mwanya wa 16 kuko amaze gukoresha 7h45m17s.
Munyaneza Didier ari ku mwanya wa 31 amaze gukoresha 7h45m17s, Areruya Joseph ari ku mwanya wa 38 kuko amaze kuba yifashisha 7h45m19s mu gihe Ukiniwabo Rene Jean Paul ari ku mwanya wa 43 kuko amaze gukoresha 7h45m44s.
Ndayisenga Valens ari ku mwanya wa 49 (7h45m55s), Ruberwa Jean Damascene ari ku mwanya wa 54 (7h46m39s). Kuri uyu wa Gatatu tariki 17 Mutarama 2018, abasiganwa barava ahitwa Ndjolé bagana mu gace ka Mitzic urugendo rw’intera ya kilometero 182.5.
Kuri uyu wa Kane tariki 19 Mutarama 2018, bazava i Oyem muri Cameroon bagana i Ambam ku ntera ya Km 141.4. Kuwa Gatanu tariki20 Mutarama 2018 abasiganwa bazahaguruka i Bitam bagana i Oyem ku ntera ya Km 107 mbere yuko bazaba basoza kuwa Gatandatu tariki 21 Mutarama 2018 bava i Bikélé bagana mu murwa mukuru i Libreville ahazabera ibirori byo gusoza ku ntera ya Km 139.5.
Areruya Joseph watwaye Tour du Rwanda 2017 ntabwo biri kumuhira muri La Tropicale Amisa Bongo
Ruberwa Jean Damascene undi munyarwanda uri kwitwara neza muri La Tropicale Amisa Bongo
Team Rwanda irasabwa kwitwara neza mu duce dutaha kugira ngo nibura ku rutonde rw'amakipe izaze hafi
Ikipe y’u Rwanda (Team Rwanda 2018) iri guhatana muri La Tropicale Amisa Bongo igizwe na Ndayisenga Valens, Uwizeyimana Bonaventure, Areruya Joseph, Ukiniwabo Rene Jean Paul, Ruberwa Jean Damascene na Munyaneza Didier.
Dore abatwaye La Tropicale Amisa Bongo kuva mu 2006:
Eng
RSS 
TANGA IGITECYEREZO