Kuri uyu wa Gatatu tariki 24 Ukwakira 2018 saa tatu z’umugoroba (21h00’) nibwo Enyimba SC isura Raja Cassablanca mu mukino w’umunsi wa kabiri w’irushanwa rya Total CAF Confederation Cup 2018, umukino isabwa gutsinda kugira ngo igere ku mukino wa nyuma.
Enyimba SC yageze ku mukino wa ½ cy’irangiza ikuyemo Rayon Sports nyuma yo kuyitsinda ibitego 5-1 mu mukino wo kwishyura nyuma yuko bari banganyije 0-0 mu mukino ubanza wabereye i Kigali.
Enyimba SC yahise itsindwa umukino ubanza ubwo yinjizwaga igitego 1-0 kuwa 3 Ukwakira 2018, igitego cyatsinzwe na Abdelilah Hafidi ku munota wa 48’ w’umukino bityo Raja Cassablanca itahana amanota atatu (3).
Enyimba SC yageze muri 1/2 ikuyemo Rayon Sports
Mbere yuko hakinwa iyi mikino ya Total CAF Confederation Cup 2018 iraba ikinwa, harabanza gukinwa imikino ihuza amakipe yabaye aya mbere iwayo (Total CAF Champions League 2018), ES Tunis irakira Primiero de Agosto saa kumi n’ebyiri z’umugoroba (18h00’) w’uyu wa Kabiri tariki 23 Ukwakira 2018. Umukino ubanza, Primiero de Agosto yatsinze ES Tunis igitego 1-0.
Undi mukino urahuza ES Setif iraba yakira Al Ahly saa tatu z’uyu mugoroba (21h00’), umukino ubanza Al Ahly yari yatahanye amanota atatu (3) itsinze ES Setif ibitego 2-0.
Al Ahly ifite ibikombe umunani by'amakipe yabaye aya mbere iwayo irashaka ikindi
Eng
RSS 
TANGA IGITECYEREZO