Ahabanza Imikino

Bastian Schweinsteiger yasezeye mu ikipe y’igihugu y’u Budage

Yanditswe na: Mihigo Saddam
Taliki:29/07/2016 11:21 0

Bastian Schweinsteiger wari kapiteni w’ikipe y’igihugu y’u Budage yamaze gusezera kuba yazongera kuyigarukamo nk’umukinnyi nyuma yo kumara imyaka 12 yinjiye u ikipe nkuru y’iki gihugu giheruka kwakira igikombe cy’isi mu 2006.

Bastian w’imyaka 31 y’amavuko yari mu ikipe y’u Budage yatwaye igikombe cy’isi cya 2014 irushanwa ryakiniwe muri Brezil.

Uyu mugabo abaye umukinnyi wa kane ku rutonde rw’abakinnyi bakiniye u Budage imikino myinshi kuko yakinnye imikino 120.Uwa mbere ni Lothar Matthaus yakinnye imikino 150, Miroslav Klose yakinnye 137 naho Lucas Podolski afite 129.

Bastian Schweinsteiger yasezeye mu ikipe y'igihugu y'u Budage ku mwaka 31

Bastian Schweinsteiger yahamagawe bwa mbere mu ikipe y’igihugu nkuru mu 2004 ndetse kuri ubu yaciye agahigo ko kuba amaze gukina imikino myinshi mu marushanwa y’Uburayi Abadage bitabiriye kuko yakinnye imikino 15.

Bastian Schweinsteigeryabaye muri FC Bayern Munchen (1998-2015), 1998-2002 yakinaga mu ikipe nkuru ya Bayern Munchen nyuma aza gusubizwa mu ikipe ya kabiri bigendanye n’imvune yari yagize ariko ahita agaruka mu ikipe nkuru ayikinira kugeza 2015 ubwo yaganaga muri Manchester United aguzwe na Louis van Gaal wanamutoje muri Bayern Munchen.

Muri Bayern Munchen yahatwariye igikombe cya UEFA Champions League

Bastian muri Manchester United

Yakiniye Bayern nk’umukinnyi wo hagati imikino 500 ayitsindira ibitego 68 mu myaka 13 yayimazemo, yayifashije gutwara ibikombe 8 bya shampiyona, DFB-Pokal 7, Uefa Champions League 1, FIFA Club World Cup 1.