Bayern Munich yageze muri kimwe cy’umunani ibanje kunyagira Paris Saint Germain-AMAFOTO

Bayern yari mu rugo niyo yafunguye amazamu ku munota wa 8’ w’umukino ku gitego cya Robert Lewandowski mbere y'uko Corentin Tolisso yungamo ikindi ku munota wa 37’ w’umukino. Paris Saint Germain imaze iminsi yari igize intakoreka, yaje kubona igitego kimwe cyatsinzwe na Kylian Mbappe ku munota wa 50’ w’umukino. Mbappe yahise yuzuza ibitego bine (4) mu mikino itandatu ya UEFA Champions League imaze gukinwa.

Byanashobokaga ko Paris Saint Germain yari kubona igitego cyari gutuma itahana inota rimwe ariko Correntin Tolisso yahise ayisongamo ikindi ku munota 69’ w’umukino bityo Neymar, Edinson Cavani, Kylian Mbappe, Dani Alves, Marco Verrati na bagenzi babo basubira i Paris batsinzwe.

Mu yindi mikino, Manchester United yakomeje imaze gutsinda CSKA Moscow ibitego 2-1, Benfica itsindwa na FC Basel ibitego 2-0 mu mikino yo mu itsinda A. Mu itsinda rya kabiri (B) ririmo Bayern Munichen na PSG, Celtic yatsinwe na Anderlecht igitego 1-0. Imikino yo mu itsida E-H irakomeza kuri uyu wa Gatatu.

Dore uko imikino ya nyuma mu itsinda A-D yarangiye:

Itsinda A:

-Benfica 0-2 FC Basel

-Manchester United 2-1 CSKA Moscow

Itsinda B:

-Bayern Munichen 3-1 PSG

-Celtic 0-1 Anderletcht

Itsinda C:

-Chelsea 1-1 Atletico Madrid

-AS Roma 1-0 Qarabag FK

Itsinda D:

-FC Barcelona 2-0 Sprting CP

-Olympiacos 0-2 Juventus

Dore amakipe umunani yaraye abonye itike ya 1/8:

Itsinda A: Manchester United na FC Basel

Itsinda B: Paris Saint Germain na Bayern Munichen

Itsinda C: AS Roma na Chelsea

Itsinda D: FC Barcelona na Juventus

Correntin Tolisso yasaruye ibitego bibiri mu mukino

Tolisso amaze kugira ibitego 3 mu mikino 6

 Robert Lewandowski ni we wafunguye amazamu

Kylian Mbappe ni we watsinze igitego cy'impozamarira cya PSG

Robert Lewandowski atsinda 

Ni umukino utari woroshye utanaburamo gushyamirana

Neymar agerageza amahirwe i Allianz Arena

Mbappe atsinda igitego

Photos: DailmailOnline