RFL
Kigali

BASKETBALL: Patriots BBC na REG BBC zabonye itike iziha gutangira guhatanira igikombe cya Playoffs 2018

Yanditswe na: Mihigo Saddam
Taliki:15/07/2018 0:31
0


Ikipe ya Patriots BBC ibitse igikombe cya shampiyona kuri ubu ifite urugamba rwo gutangira guhatana na mucyeba wayo REG BBC mu rugendo rw’imikino izabageza ku gikombe cy’irushanwa rya kamarampaka 2018 nyuma y'uko amakipe yombi yamaze gutsinda imikino ibiri.



Ikipe ya Patriots BBC yageze mu mikino yo gutangira guhatanira igikombe itsinze IPRC Kigali BBC amanota 85-77 mu mukino wa kabiri bakinaga ku mugoroba w’uyu wa Gatandatu tariki 14 Nyakanga 2018. Umukino wari wabahuje kuwa Gatanu tariki 13 Nyakanga 2018, Patriots BBC yari yatsinze IPRC Kigali BBC amanota 86-63 (24-10, 24-25, 12-16 na 26-12).

Muri uyu mukino, Nijimbere Guibert wa IPRC Kigali BBC yatsinzemo amanota 19, Ndizeye Dieudonne (Patriots BBC) atsinda amanota 18, Irutingabo Fiston (IPRC Kigali BBC) 15 na Makiadi Ongea Micheal (Patriots BBC) 14.

Mu mukino w’uyu wa Gatandatu,  Patriots yatsinze amanota 85-77 (23-16, 21-14,23-18 na 18-29) ikipe ya Patriots BBC ibifashijwemo n’abakinnyi nka Makiadi Ongea Micheal watsinzemo amanota 20, Mugabe Arstide watsinze amanota 19 na Hagumintwari Steven watahanye amanota 15, batsinze IPRC Kigali BBC yarangije umukino Nijimbere Guibert ayoboye abatsinze amanota menshi n’ubwo ikipe ye yatsinzwe (21).

Shyaka Olivier (10) wa REG BBC ashaka inzira kuri Hagumintwari Steven (23) wa Patriots BBC ubwo bakinaga umukino wa nyuma wa GMT 2018

Shyaka Olivier (10) wa REG BBC ashaka inzira kuri Hagumintwari Steven (23) wa Patriots BBC ubwo bakinaga umukino wa nyuma wa GMT 2018

Abakinnyi ba IPRC Kigali BBC nka Isezerano Enock yatsinze amanota 14 mu gihe Ndoli Jean Paul yitanze bikomeye atsinda amanota 13.

Ikipe ya REG BBC nayo yabonye itike iyijyana ku rugamba rwo gushaka igikombe ari uko itsinze APR BBC mu mikino ibiri ikurikirana. Umukino ubanza wakinwe kuwa Gatanu nabwo REG BBC yari yatsinze APR BBC amanota 84-79 (18-15, 23-8,22-31 na 21 25).

Aha, Kami Kabange (REG BBC) yatsinze amanota 20, mugenzi we Kaje Elie atsinda amanota 17. Ku ruhande rwa APR BBC, Ishimwe Parfait yabonyemo amanota 18 mu gihe Munyaneza Eric yatsinze amanota 16.

Kuri uyu wa Gatandatu tariki 14 Nyakanga 2018, REG BBC yatsinze APR BBC amanota 93-61 (24-10,23-23, 20-8 na 26-20).

JPEG - 255 kb

REG BBC (Umweru) yatsinze APR BBC (Umukara) mu mikino ibiri ikurikiranye (Photo:RuhagoYacu)

IPRC Kigali BBC (Ubururu) yatsinzwe na Patriots BBC mu mukino ibiri (Photo:RuhagoYacu)

Muri uyu mukino, Kami Kabange wa REG BBC yakomeje kwiganza mu gutsinda amanota menshi (Match-TopScorer) kuko yabonyemo amanota 19 mu gihe Ruzigande Ally (APR BBC) yaje inyuma ye n’amanota 12.

Shyaka Olivier (REG BBC) yatsinze amanota 14 mu gihe Kaje Elie (REG BBC) yatsinze amanota 13. Iyakaremye Emmanuel (APR BBC) yatsinze amanota 12 cyo kimwe na  Ishimwe Parfait.

Kuba aya makipe yombi yaba REG BBC na Patriots BBC zatsinze imikino yazo ibiri zikurikiranya, zabonye itike igana mu rugamba rwo guhatanira igikombe. Muri uru rugamba ikipe itsinze imikino ibiri yikurikiranya ihita ihabwa igikombe.

Ikipe ya APR BBC na IPRC Kigali BBC zatsinzwe muri iyi mikino nazo zigomba gutangira guhatana mu rugamba rwo gushaka umwanya wa Gatatu.

Iyi mikino izatangira kuwa Gatanu tariki 20 Nyakanga 2018 ubwo ikipe ya APR BBC izaba ikina na IPRC Kigali BBC saa kumi n'ebyiri z'umugoroba (18h00') mu gihe REG BBC izaba icakirana na Patriots BBC saa mbili z'umugoroba (20h00') muri sitade nto ya Remera.

Patriots BBC bishimira igikombe

Patriots BBC iri kurwana no kwisubiza igikombe yatwaye mu 2017

Dore uko imikino ya Playoffs yagenze:

Kuwa Gatanu tariki 13 Nyakanga 2018

-REG BBC 84-79 APR BBC  

-Patriots BBC 86-63 IPRC Kigali BBC  

Kuwa Gatandatu tariki 14 Nyakanga 2018

-IPRC Kigali BBC 77-85 Patriots BBC  

-APR BBC 61-93 REG BBC  






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND