BASKETBALL: John Bahufite yisubije icyubahiro REG itsinda Patriots BBC-AMAFOTO

Ni umukino wari ufite icyo usobanuye ku mpande zombi kuko REG byahise biyigumiza mu murongo wo gutwara igikombe mu gihe Patriots yasigaye mu mibare itoroshye. Patriots yatangiye yiharira umukino kuko yarangije agace ka mbere ifite amanota 25 kuri 11 ya REG. REG yaje kugaruka mu mukino ibifashijwemo na Mukengerwa Benjamin wayifashije gusoza agace ka kabiri ku manota 21-8.

Agace ka gatatu REG yongeye kugwiza amanota 21 Patriots ikiri ku manota 16 mbere yo gusoza umukino REG ikiyoboye n’amanota 25-19. Muri uyu mukino, Kami Kabange wa REG BBC yatahanye amanota 23 yari menshi mu mukino (Top scorer), Mukengerwa Benjamin yatsinzemo amanota 20, Kubwimana Ali abonamo amanota umunani (8).

Ku ruhande rwa Patriots, Kaje Elie na Mugabe Arstide buri umwe yatsinze amanota 12, Nkurunziza Walter abonamo icumi (10) naho Sagamba Sedar abona amanota umunani (8). Uyu mukino wabanjirijwe n’uwahuje Espoir BBC yatsinzemo APR BBC amanota 90-71 (23-17), 12-14, 26-14, 29-26).

Shyaka Olivier kapiteni wa Espoir BBC yatahanye amanota 31 mu mukino, Nkurunziza Pascal abona amanota 20, Nshobozwabyosenumukiza Jean Jacques Wilson atsinda amanota umunani )8) cyo kimwe na Sangwe mu gihe Iyakaremye yatsinze amanota arindwi(7).

Muri APR BBC uwabonye amanota menshi ni Munyaneza watsinze 14, Dushimimana 11, Uwiringiyimana yatahanye amanota 10,  Ruzigande Ali, Mugiraneza na Byiringiro buri umwe yatahanye amanota umunani (8). Nubwo yatsinzwe, Patriots BBC yagumye ku mwanya wa mbere n’amanota 24 mu gihe REG iyigwa mu ntege n’amanota 23 kuko inafite umukino w’ikirarane.

REG BBC yishubije icyubahiro imbere ya Patriots BBC

Patriots BBC nayo ubu yamaze kumenya ko hari ikipe yayitsinda mu mukino ukomeye

Abafana

Umukino wari wuje imbaraga

Hakizimana Lionel yegera Kami Kabange wa REG BBC

Hakizimana Lionel

Kubwimana Kazingufu Ali kapiteni wa REG BBC wahoze muri Patriots BBC

Mukengerwa Benjamin ahabwa amabwiriza na John Bahufite

Iyakaremye Espoir BBC azamukana umupira

Shyaka Olivier wafashije Espoir BBC gutwara amanota 2

Mbanze Bryan wa Espoir BBC

APR BBC yatsinzwe umukino w'umunsi

Kuwa Gatanu tariki 28 Mata 2017

*Espoir BBC 90-71 APR BBC 

*Patriots BBC 68-78REG BBC

Kuwa Gatandatu tariki 29 Mata 2017

*The Hoops Rwa vs APR BBC (Petit Stade Remera, 14h00’)

*IPRC Kigali BBC vs CSK BBC (Petit Stade Remera, 16h00’)

Ku Cyumweru tariki 30 Mata 2017

*UGB vs Rusizi BBC (Petit Stade Amahoro, 09h00’)

*IPRC South BBC vs REG BBC (IPRC South, 12h00’)

AMAFOTO: Saddam MIHIGO