Kuri uyu wa Gatanu tariki 13 Nyakanga 2018 ni bwo hatangira imikino ya kamarampaka (Playoffs) y’umwaka w’imikino 2017-2018, imikino izabimburirwa n’uwuzahuza REG BBC na APR BBC Saa kumi n’ebyiri z’umugoroba (18h00’) kuri sitade nto ya Remera.
Ni irushanwa ngarukamwaka ritegurwa n’ishyirahamwe ry’umukino wa Basketball mu Rwanda rigahuza amakipe ane aba yarasoje shampiyona aza imbere y’ayandi. Muri uyu mwaka, amakipe azitabira ni; Patriots BBC ifite igikombe cya shampiyona 2017-2018 ndetse ikaba ari nayo ibitse igikombe cya Playoffs 2017, REG BBC, APR BBC na IPRC Kigali BBC.
Patriots BBC ni yo ibitse igikombe cya Playoffs 2017 yatwaye itsinze REG BBC amanota 56-52
Dore uko amakipe azahura mu mpera z’iki Cyumweru:
Kuwa Gatanu tariki 13 Nyakanga 2018
-REG BBC vs APR BBC (Petit Stade Amahoro, 18h00’)
-Patriots BBC vs IPRC Kigali BBC (Petit Stade Amahoro, 20h00’)
Kuwa Gatandatu tariki 14 Nyakanga 2018
-IPRC Kigali BBC vs Patriots BBC (Petit Stade Amahoro, 18h00’)
-APR BBC vs REG BBC (Petit Stade Amahoro, 20h00’)
Ku Cyumweru tariki ya 15 Nyakanga 2018
-REG BBC vs APR BBC (Petit Stade Amahoro, 18h00’)
-Patriots BBC vs IPRC Kigali BBC (Petit Stade Remera, 20h00’)
Eng
RSS 
TANGA IGITECYEREZO