Munezero Valentine na Musabyimana Penelope abangavu bagize ikipe y’u Rwanda ikina umukino wa Volleyball yo ku mucanga (Beach-Volleyball) yabonye itike ya kimwe cya kabiri cy’irangiza mu mikino ya Commonwealth iri kubera i Bahamas. U Rwanda rwabigezeho rutsinze Vanuati amaseti 2-0 (21-15 na 21-9).
Munezero na Musabyimana batangiye iri rushanwa batsinda Trinidad and Tobago amaseti 2-1 (21-17, 16-21 na 15-13) mu gihe mu mukino wa kabiri batsinzwe na New Zealand amaseti 2-0 (21-10 na 21-19.).
Mu mikino ya ½ cy’irangiza u Rwanda rwagezemo rutsinze Vanuati muri ¼ cy’irangiza, ruzahura n’ikipe igomba gutsinda hagati ya Australia na Scotland mu mukino wa ¼ uteganyijwe mu masaha ari imbere.
Uru rwego u Rwanda rwagezeho muri iyi mikino ntibyigeze bibaho mu mateka y’umukino wa Beach-Volleyball hano mu Rwanda.
Musabyimana Penelope (ibumoso), Mudahinyuka Christophe (Hagati/Umutoza) na Munezero Valentine (iburyo)
IKipe y'u Rwanda n'iya Vanuati
TANGA IGITECYEREZO