Abanyamahirwe babiri, Kayumba Eudes na Cyamatare Adam nibo batomboye amatike yo kuzareba umukino wa nyuma wa UEFA Champions League mu Bugereki, mu rugendo rwatewe inkunga na Heineken, ibi byabaye mu ijoro ryo kuri uyu wa Kabiri tariki 14 werurwe 2018 ubwo habaga umukino wahuje Chelsea na Fc Barcelone.
Ibi birori byabereye ku kabari ka ka Pilipili gaherereye Kibagabaga dore ko ariho habereye tombola y’abanyamahirwe bazarihirwa na Heineken amatike y’indege n’ibindi byose bazakenera bakajya kureba umukino wa nyuma w’iri rushanwa uzaba muri Gicurasi 2018. Aba bakaba batomboye nyuma y’imikino ya nyuma ya 1/8 cya Champions League yabaye kuri uyu wa Gatatu Bayern Munich igatsinda Besiktas 3-1 naho FC Barcelona ikanyagira Chelsea 3-0.
Muri batandatandatu bagomba kuzajya mu Bugereki hamaze kumenyekana babiri mu gihe abandi bane basigaye bazagenda bamenyekana uko imikino ya UEFA Champions Leagues igenda ijya imbere nkuko Garuka Patricia Mugume ushinzwe Imenyekanishabikorwa muri Bralirwa yabitangaje nyuma yo gutombora kw’aba babiri baraye bamenyekanye uyu mugoroba.
Umukino wa nyuma wa Champions Leagues uzabera i Kiev muri Ukraine ariko abakiliya ba Heineken bazatombora bo bazajya kuwukurikiranira Athens mu Bugereki aho bazahurira na bamwe mu bahoze ari ibihangange muri ruhago banegukanye iri rushanwa, bagasangira bakanagira umwanya wo kwifotozanya nkuko byagenze umwaka ushize dore ko umwaka ushize mu Rwanda twari twohereje babiri ariko ubu hazagenda batandatu. Babiri mwababonye, abandi bazamenyekana mu byumweru biri imbere. Umwaka ushize abagiyeyo barebeye umukino mu bwato bwari buyobowe na Ronaldinho Gaúcho ariko kuri iyi nshuro uzaba abayoboye ntaramenyekana.
Ubwo abantu barebaga umupira muri Pilipili
Icyuma cyavangaga amatike ngo harebwe iyatombora
Umwe mu batsinze ubwo yahamagarwaga ashimirwa nabakozi ba Bralirwa
AMAFOTO: IGIHE
Eng
RSS 
TANGA IGITECYEREZO