AS Kigali yakuye amanota 3 i Gicumbi, Ally Niyonzima ahavana ikarita y’umutuku

Muri uyu mukino, AS Kigali yakinnye iminota irenga 18’ y’igice cya kabiri ari abakinnyi icumi (10) kuko Ally Niyonzima ukina hagati muri iyi kipe yahawe ikarita itukura azize kwihanira uwari umukoreye ikosa.

Eric Nshimiyimana wari wakoze impinduka muri 11 aho yari yakuyemo Ndayisaba Hamidou akinjizamo Ndayisenga Fuad ari nako Kayumba Soter yari yaje mu mwanya wa Benedata Janvier wavunitse bakina na APR FC. Yaje kongera gukora impinduka mu gusimbuza akuramo Ndayisenga Fuad ashyiramo Nsabimana Eric Zidane.

Eric Nshimiyimana yari yabanjemo; Bate Shamiru (GK, 30), Ngandu Omar 2, Kayumba Soter (C, 15), Ally Niyonzima 8, Ndayisenga Fuad 10, Latif Bishira 5, Murengezi Rodrigue 7, Mbarag Jimmy 16, Ndarusanze Jean Claude 13 na Ngama Emmanuel 19. Jimmy Mbaraga Traore yaje kubabonera igitego ku munota wa 89’ w’umukino, AS Kigali imanukana amanota atatu (3) y’umunsi abagumiza ku mwanya wa mbere ku rutonde.

AS Kigali yateye koruneri 3, ikora amakosa 18, bararira 2 banabona ikarita imwe itukura n’imwe y’umuhondo. Bagumanye umupira ku kigero cya 49%. AS Kigali kandi yateye amashoti 4 aca kure y’izamu na rimwe rigana mu izamu ryanabyaye igitego.

Gicumbi FC yari mu rugo yateye kouruneri 4, amshoti 2 agana mu izamu, 4 aca kure y’izamu, amakosa 15, bararira inshuro 6, amakarita abiri y’umuhondo, bagumana umupira ku kigero cya 51%. Gicumbi FC iraguma ku mwanya wa 15 n’amanota 15 mu mikino 19.

AS Kigali iraguma ku mwanya wa mbere n’amanota 38 ku rutonde rw’agateganyo rwa shampiyona igeze ku mwanya wa 19.

Uko umunsi wa 19 wa shampiyona uteye:

Kuwa Kabiri tariki ya 1 Gicurasi 2018

-Police FC 2-2 Musanze FC 

-Kirehe 1-1 Rayon Sports

-Mukura Victory Sport 0-2 Amagaju FC 

Kuwa Gatatu tariki 2 Gicurasi 2018

-Gicumbi FC 0-1 AS Kigali  

-Espoir FC 0-0 FC Marines  

 -Etincelles FC 2-1 Sunrise FC  

Kuwa Kane tariki 3 Gicurasi 2018

-APR FC vs Kiyovu Sport (Stade de Kigali, 15h30’)

-Bugesera FC vs Miroplast FC (Nyamata, 15h30’)