Ikipe ya Arsenal itozwa na Arsene Wenger yakoze akazi gakomeye inyagira ikipe ya Chelsea y’umutoza Antonio Konte dore ko ari na mushya, amunyagira ibitego 3-0 mu mukino w’umunsi wa gatandatu wa shampiyona.
Ni ibitego byose byabonetse mu minota 40’ y’igice cya mbere kuko ku munota wa 11’ Alexis Sanchez Alesandro yari yamaze kubonera Arsenal igitego.Nyuma y’iminota itatu (3’) Theo Walcott yahise yungamo igitego cya kabiri mbere yuko ku munota wa 40’ Mesut Ozil ashyiramo agashinguracumu.
Sanchez yinjiza igitego cya mbere
Ubwo yayoboraga umupira mu izamu rya Chelsea
Alexis Sanchez yishimira igitego
Iminota 50’ yari isigaye nta kindi gitego cyongeye kwinjira mu izamu ry’imwe muri aya makipe.Gusa ku munota wa 26’, myugariro Branislav Ivanovic wa Chelsea yahawe ikarita y’umuhondo mbere yuko mugenzi we Diego Costa ayihabwa ku munota wa 83’.
Theo Walcott nawe yabonye igitego ku munota wa 14'
Ozil atsinda igitego ku munota wa 83'
Ozil na Alex Iwobi(17) bishimira igitego
Mustafi abyigana na Diego Costa
Willian na Monreal bumvana imbaraga
Indi mikino yabaye kuri uyu munsi yabanjirijwe n’umukino Manchester United yanyagiyemo Leicester City ikayitsinda ibitego 4-1.
Chris Smalling (22’), Juan Mata (37’), Marcus Rashford(40’) na Paul Pogba (42’) nibo batsindiye Manchester United.Igitego cy’impozamarira cya Leicester City cyatsinzwe na Demarain Gray ku munota wa 60’.
Liverpool yanyagiye Hull City ibitego 5-1, Manchester City itsinda Swansea City ibitego 3-1, Stoke City igwa miswi na West Bromwich Albion banganya igitego 1-1.
Dore uko imikino yose yagenze:
Kuwa Gatandatu
*Manchester United 4-1 Leicester City
*AFC Bournemouth 1-0 Everton
*Liverpool 5-1 Hull City
*Middlesbrough 1-2 Tottenham Hotspur
*Stoke City 1-1 West Bromwich Albion
*Sunderland 2-3 Crystal palace
*Swansea City 1-3 Manchester City
*Arsenal 3-0 Chelsea
Ku Cyumweru tariki 25 Nzeli 2016
*West Ham United vs Southampton (18h00’)
Kuwa Mbere tariki 26 Nzeli 2016
*Burnley vs Wattford (22h00’)
Eng
RSS 
TANGA IGITECYEREZO