APR FC yatangiye isarura amanota, Police FC inyagirirwa i Rubavu-AMAFOTO

Igitego cya mbere cya APR FC cyatsinzwe na Hakizimana Muhadjili ku munota wa 46’ mbere yuko Issa Bigirimana atsinda igitego cya kabiri ku munota wa 78’. Muri uyu mukino ikipe ya Sunrise FC yabanje kwihagararaho mu minota 45’ ya mbere. Sunrise FC yateye koruneri ebyiri (2) kuri ebyiri (2) za APR FC.

APR FC yakoze amakosa arindwi (7) mu gihe Sunrise FC yakoze amakosa atandatu mu mukino. Bizimana Dihad (32’) na Songayingabo Shaffy (57’) bahawe amakarita y’umuhondo. Ku ruhande rwa Sunrise FC, umunyezamu Habarurema Gahungu yabonye ikarita y’umuhondo ku munota wa 39’ azira kwiryamisha cyo kimwe na mugenzi we Ally Moussa wayihawe ku munota wa 25’.

Sunrise FC basifuwe kurarira inshuro eshatu (3) kuri esheshatu (6) za APR FC. APR FC yateye amashoti abiri agana mu izamu kuri rimwe rya Sunrise FC. Gatera Alphonse umutoza wa Sunrise FC yatangiye akuramo Osee Iyabivuze ashyiramo Awoto Faisal mu gihe Hakim Mutabazi yasimbuwe na Mutwewingabo  Hakim.

Jimmy Mulisa yasimbuje inshuro eshatu (3). Yakuyemo Nshuti Innocent ashyiramo Sekamana Maxime bagitangira igice cya kabiri. Nkizingabo Fiston yasimbuye Twizerimana Onesme (63’), Nshimiyimana Imran asimbura Hakizimana Muhadjili wakoresheje imbaraga nyinshi mu mukino.

Ikipe ya Police FC yanyagiriwe i Rubavu itsindwa na Etincelles FC ibitego 3-1 mu mukino waberaga kuri sitade Umuganda. Kambale Salita Gentil kapiteni w’iyi kipe yatsinzemo ibitego bibiri (2) mu gihe Niyonsenga Ibrahim yashyizemo icya gatatu. Iradukunda Jean Bertrand ni we watsinze impozamarira ya Police FC.

Abakinnyi babanje mu kibuga:

APR FC: Mvuyekure Emery (GK, 1), Rukundo Denis 28, Imanishimwe Emmanuel 24, Songayingabo Shaffy 23, Rugwiro Herve (C4), Buteera Andrew 20, Issa Bigirimana 26, Bizimana Djihad 8, Nshuti Innocent 19, Twizerimana Onesme 9 na Hakizimana Muhadjili 10.

Sunrise FC: Habarurema Gahungu (GK, 30), Ally Serumogo (C2), Regis Mushimiyimana 26, Gilbert Habumuremyi 25, Rubibi Bonquet 4, Uwambazimana Leon 20, Iyabivuze Osee 22, Mutabazi Hakim 12, Orotomal Alex 9, Moussa Ally 7 na Niyibizi Vedaste 14.

Dore uko imikino yarangiye:

Kuwa Gatandatu tariki 30 Nzeli 2017

-APR FC 2-0Sunrise FC   

-Etincelles FC 3-1 Police FC  

-Gicumbi FC 2-1 Espoir FC  

-Kirehe FC 0-1 Mukura Victory Sport  

Imikino iteganyijwe:

Ku Cyumweru tariki ya 1 Ukwakira 2017

-Bugesera FC vs Amagaju FC (Kicukiro, 15h30’)

-Miroplast FC vs FC Marines (Mironko, 15h30’)

-SC Kiyovu vs FC Musanze (Mumena Stadium, 15h30’)

-Rayon Sports vs AS Kigali (Kigali Stadium, 15h30’) 

Amakipe asohoka mu rwambariro

11 ba APR FC babanje mu kibuga

11 ba Sunrise FC babanje mu kibuga

Abakinnyi nka Nshimiyimana Imran, Sekamana Maxime na  Nsabimana Aimable babanje hanze

Abasifuzi n'abakapiteni

Amakipe yombi asuhuzanya

Rugwiro Herve akomeje kuba kapiteni wa APR FC

Gatera Alphonse aganira na Jimmy Mulisa

Butera Andrew mu kirere ashaka umupira 

Twizerimana Onesme yagerageje uburyo bw'igitego biranga

Imibare yaranze igice cya mbere (Half-Time Stats)

Issa Bigirimana yakoze akazi gakomeye ku ruhande rw'iburyo rwa APR FC

Jimmy Mulisa yavuze ko Twizerimana Onesme (mu kirere) akeneye kubona imikino myinshi akongera kugarura icyizere

Sunrise FC yihagazeho iminota 46' y'umukino

Issa Bigirimana yaje kubona igitego ku munota wa 78' 

Bizimana Djihad atera coup franc

Kambale Salita Gentil ayoboye ba rutahizamu n'ibitego bye bibiri yavumbye Police FC

AMAFOTO: Saddam MIHIGO