Mu gitondo cyo kuri uyu wa Kane tariki ya 4 Gicurasi 2017 nibwo Antoine Hey umutoza w’ikipe y’igihugu Amavubi n’abamwungirije bakoresheje imyitozo ya mbere hasuzumwa uko abakinnyi bahagaze mu bijyanye n’ingufu (Conditions Physique). Imyitozo yagoye bamwe mu bakinnyi.
Ni imyitozo yari igabanyijemo ibice bine (4), bakoze mu matsinda y’abakinnyi batagombaga kurenga 12 kuko ikipe yari irimo abakinnyi bacye yabaga igizwe n’abakinnyi 11. Itsinda ryakoraga ryagera ku gace ka nyuma, abandi nabo bagatangira agace ka mbere.
Dore ibice bine (4) byari bigize iyi myitozo:
1.Kwishyushya
Uko itsinda ryageraga muri sitade Amahoro, batangiraga bishyushya bayobowe na Mashami Vincent umutoza wungirije. Yabashyushyaga mu gihe kitari munsi y’iminota icumi (10’) kuko yabarekuraga ubona ko babize ibyuya ku rwego rugaragara.
2.Kugeragezwa umuvuduko mu kwiruka (Sprint)
Nyuma yo kurangiza kwishyushya, abakinnyi bafataga akanya bakaruhuka bakananywa amazi. Nyuma yo kuruhukaho gato bahitaga binjira mu gice cyo kwiruka bakareba abafite umuvuduko uri hejuru bityo bikazafasha umutoza kumenya icyo buri mukinnyi asabwa kugira ngo azatange umusaruro.
Abakinnyi bacaga muri iki kizamini inshuro eshatu hakarebwa impuzandengo y’umuvuduko (Speed-rate) yagize kugira ngo barebe koko niba ibipimo yagize bihagije.
3.Kuruhuka no gukora umwitozo wo kuruhuka (Relax)
Nyuma yo kuva mu gace ko kwiruka ku muvuduko, abakinnyi bahitaga basanga Mashami Vincent akabakoresha imyitozo yo kongera kugaruka mu mwuka mwiza abagabanyiriza umunaniro mbere yuko binjira mu gace ka nyuma.
4.Kwiruka ku muvuduko muto mu gihe kirekire (Andulance)
Ni icyiciro cy’imyitozo cyagoye abakinnyi ku buryo umuntu warebaga iyi myitozo yahise abona ko ari ubwa mbere abakinnyi babikoze.
Abakinnyi bakoraga umurongo bakajya biruka bava ku murongo umwe bajya ku wundi, ibintu bakoraga mu minota 15’. Aha, bakurikiraga amajwi ari mu ndangururamajwi aho aya majwi yabibutsaga inshuro bamaze gukora n’ibyo bagomba gukora.
Muri iki cyiciro niho abakinnyi birukaga ukabona umwuka urashize bamwe bakitura hasi abandi bavamo batarangije cyangwa ukabona umukinnyi biranze yiyicariye hasi.
Abakinnyi babashije gukora igihe kinini kurusha abandi barimo: Savio Nshuti Dominique na Niyonzima Olivier Sefu ba Rayon Sports ndetse na Nsabimana Aimable wa APR FC. Ku rundi ruhande, abakinnyi bananiwe hakiri kare muri aka gace ka nyuma harimo: Habimana Yussuf wa Mukura Victory Sport ndetse na Munezero Fiston wa Rayon Sports
Itsinda ry'abakinnyi ryageraga ku kibuga bakabanza kuganirizwa uko gahunda ziri bukurikirane
Kayumba Soter (10) na Mubumbyi Bernabe (9) ba As Kigali mu myitozo y'Amavubi
Abakinnyi bananura ingingo
Usengimana Danny wa Police FC yirambura
Bizimana Djihad ukina hagati muri APR FC yirambura
Danny Usengimana asimbuka agana mu kirere
Sibomana Patrick wa APR FC mu myitozo y'ikipe y'igihugu
Mashami Vincent atanga amabwiriza mu myitozo
Abakinnyi bafata akaruhuko mbere yo kujya mu kandi gace
Habimana Yussuf wa Mukura Victory Sport avuduka
Usengimana Danny -Police FC avuduka
Munezero Fiston wa Rayon Sports ava hasi
Kayumba Soter myugariro wa AS Kigali anyaruka
Nsabimana Aimable myugariro wa APR FC yereka Antoine Hey uko banyuraho
Muvandimwe JMV myugariro wa Police FC arambika inda ku muyaga
Mubumbyi Bernabe rutahizamu wa AS Kigali atembera aruhuka
Niyonkuru Ramadhan wa FC Musanze nawe yahamagawe mu Mavubi bwa mbere
Muvandimwe JMV waherukaga mu ikipe y'igihugu y'ingimbi ubu ari mu ikipe nkuru
Mpozembizi Mohammed umwe mu bakinnyi bigaragaje muri uyu mwaka w'imikino
Mbogo Ali myugariro wa Espoir FC y'i Rusizi nawe yari yahageze
Mbogo Ali niwe mukinnyi rukumbi wa Espoir FC wahamagawe
Bishira Latif wa AS Kigali imbere akurikiwe na Hakizimana Francois wa FC Musanze
Nshimiyimana Imran ukina hagati mu kibuga
Mugisha Gilbert wa Pepinieres FC nawe yari mu igeragezwa
Mukunzi Yannick wa APR FC aruhuka nyuma yuko yari amaze kurangiza ibyo yasabwaga
Jimmy Mulisa umutoza mukuru wa APR FC yari muri sitade areba uko abakinnyi be bahagaze
Rusheshangoga Michel nyuma y'imyitozo
Eric Nshimiyimana utoza AS Kigali nawe yari kuri sitade Amahoro areba uko abahungu be bahamagawe bitwara
Antoine Hey umutoza mukuru w'Amavubi
Eric Ngendahimana wa Police FC imbere ya Muhadjili Hakizimana wa APR FC
Savio Nshuti Dominique umwe mu bakinnyi bagerageje kwitwara neza
Habimana Yussuf wa Mukura VS umwe mu bakinnyi babiri b'iyi kipe bahamagawe
Mashami Vincent umutoza wungirije w'Amavubi
Usengimana Faustin wa APR FC afunga neza inkweto
Niyonzima Ally kapiteni wa Mukura VS
AMAFOTO: Saddam MIHIGO
TANGA IGITECYEREZO