RFL
Kigali

AMAGARE: Dr.Wagih Azam yanditse ibaruwa ashima Perezida wa FERWACY

Yanditswe na: Mihigo Saddam
Taliki:19/01/2018 11:11
1


Dr.Wagih Azam perezida w’impuzamashyirahamwe y’umukino w’amagare muri Afurika (CAC) akanaba Visi-perezida w’impuzamashyirahamwe y’umukino w’amagare ku isi (UCI), yafashe umwanya yandika ibaruwa ashima Bayingana Aimable uyobora ishyirahamwe ry’umukino w’amagare mu Rwanda (FERWACY) nyuma yuko Areruya Joseph yari amaze kwandika amateka



Ni ibaruwa itari ndende ariko ifite byinshi isobanuye cyane bishingiye ku mateka yakozwe na Areruya Joseph watwaye agace ka kane mu irushanwa mpuzamahanga ry’umukino w’amagare muri Afurika, irushanwa ngarukamwaka rya La Tropicale Amisa Bongo ryatangiye mu 2006.

Bayingana Aimable ubwo yaganiraga na Ndayisenga Valens mbere yuko agace ka Kacyiru-Huye gatangira muri Tour du Rwanda 2017

Bayingana Aimable ubwo yaganiraga na Ndayisenga Valens mbere yuko agace ka Kacyiru-Huye gatangira muri Tour du Rwanda 2017

Ibaruwa Dr.Wagih Axam yandikiye Bayiganya Aimable

Ibaruwa Dr.Wagih Axam yandikiye Bayiganya Aimable

UCI

Dr.Wagih Azam visi perezida wa UCI kuva mu 2013

Areruya Joseph yatwaye agace ka kane akoresheje masaha 4h25m10s ku ntera ya Km 182, ibi byatumye anambara umwenda w’umuhondo (Yellow Jersey).

Mu 2014 ni bwo undi munyarwanda yakoze amateka nk’aya ubwo Uwizeyimana Bonaventure yatwaraga agace ka gatandatu (6) muri La Tropicale Amisa Bongo yatwawe na Natnael Berhane (Eritrea). Gusa Uwizeyimana ntabwo yambaye umwenda w'umuhondo.

Areruya Joseph yabaye umunyarwanda wa mbere wambaye umwenda w'umuhondo muri La Tropicale Amisa Bongo anaba umunyafurika wa cumi (10) ubigezeho kuva mu 2006.

Kuri uyu wa Kane tariki 19 Mutarama 2018, bazava i Oyem muri Cameroon bagana i Ambam ku ntera ya Km 141.4. Kuwa Gatanu tariki 20 Mutarama 2018 abasiganwa bazahaguruka i Bitam bagana i Oyem ku ntera ya Km 107 mbere yuko bazaba basoza kuwa Gatandatu tariki 21 Mutarama 2018 bava i Bikélé bagana mu murwa mukuru i Libreville ahazabera ibirori byo gusoza ku ntera ya Km 139.5.

Ikipe y’u Rwanda (Team Rwanda 2018) iri guhatana muri La Tropicale Amisa Bongo igizwe na Ndayisenga Valens, Uwizeyimana Bonaventure, Areruya Joseph, Ukiniwabo Rene Jean Paul, Ruberwa Jean Damascene na Munyaneza Didier.

Areruya Joseph 'Kimasa' ni umwe mu bakomeye berekanywe bitezwe muri iri rushanwa

Areruya Joseph arasiganwa urugendo rwa Oyem (Cameroon)-Ambam yambaye umwenda w'umuhondo

Dore abakinnyi 10 mu gac ka Ndjolé-Mitzic:

1. ARERUYA Joseph -Rwanda        

2. KOSHEVOY Ilia-Wilier Triestina - Selle Italia         

3.HOLLER Nikodemus-Bike Aid     

4.GAUDIN Damien-Direct Energie          

5.MRAOUNI Salah Eddine - TeamMorocco    

6.NOCENTINI Rinaldo-Sporting Clube de Portugal/Tavira                    

7.JONES Brenton-Delko Marseille Provence KTM             

8.PACIONI Luca-Wilier Triestina - Selle Italia           

9.MULUBRHAN Henok -TeamEritrea                         

10.OKUBAMARIAM Tesfom-TeamEritrea    

Dore abakinnyi 5 ba mbere ku rutonde rusange:

1. Joseph Areruya (Rwanda) 14h53’21’’ 
2. Holler Nikodemus (Bike Aid)14h53’32’”
3. GAUDIN Damien (Direct Energie) 14h53’55’’
4. Koshevoy Ilia Wilier (Selle Italia) 14h54’41’”
5. Jones Brenton Delko (Marseille) 15h01’00’’

Dore abatwaye La Tropicale Amisa Bongo kuva mu 2006:

2006 : Jussi Veikkanen (Finland)
2007 : Frédéric Guesdon (France)
2008 : Lilian Jégou (France)
2009 : Mathieu Ladagnous (France)
2010 : Anthony Charteau (France)
2011 : Anthony Charteau (France)
2012 : Anthony Charteau (France)
2013 : Yohann Gène (France)
2014 : Natnael Berhane (Eritrea)
2015 : Rafaâ Chtioui (Tunisia)
2016 : Adrien Petit (France)
2017 : Yohann Gène (France)





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • 6 years ago
    ndabona abakobwa bamugaragiye bikwije mugihe muri tour du Rwanda bo ntazi uko baba bambaye





Inyarwanda BACKGROUND