AFCON- U20: Zambia yatsinze u Rwanda mu mukino ubanza-AMAFOTO

Ni ibitego byose byatsinzwe na Francisco Mwepu (33’, 79’), rutahizamu ukinira ikipe ya Kafue Celtic FC muri Zambia.

Francisco Mwepu watsinze ibitego bya Zambia U20

Mashami Vincent umutoza mukuru w'Amavubi y'abatarengeje imyaka 20 yahise yumirwa ako kanya

Abakinnyi ba Zambia bishimira igitego cya mbere ku munota wa 33'

Abakinnyi babanje mu kibuga:

Rwanda XI: Ntwari Fiacre (GK, 1), Ishimwe Christian 6, Ishimwe Saleh 7, Bunane Janvier 8, Sindambiwe Protais 9, Bogarde Cyitegetse 10,Nshimiyimana Marc Govin 12, Buregeya Prince (C, 14), Aime Placide Uwineza 15, Byiringiro Lague 16 na Patrick Mugisha 17.

Zambia XI:Bwalya Prince (GK, 1), Mumba Prince (C, 3), Kingsley Hakwiya 5, Justin Mwanza 6, Martin Njobvu 9, Lameck Banda 10, Benson Kolala, 12, Benson Kolala 4, Christopher Katongo 13, Thomas Zulu 15, Mumba Muma 17 na Francisco Mwepu 19.

Isonga FC barebye uyu mukino

Bunani Janvier (8) atanga umupira

Buregeya Prince Aldo (14) akata ahangana na Francisco Mwepu (19)

Ikipe ya Zambia y’abatarenge imyaka 20 ni yo wabonaga ikina neza muri uyu  mukino kuko ibitego byose byabonetse mu buryo buteguwe ahanini bigahurirana n’amakosa y’abugarira b’u Rwanda.

Igitego cya mbere cyavuye ku mupira wazamukanywe na Lameck Banda ava iburyo ahita awuhindura ibumoso aganisha mu rubuga rw’amahina ni bwo wasanze Francisco Mwepu ari wenyine agahita areba mu izamu kuko yaba Buregeya Prince na Aime Uwineza Placide bari mu mutima w’ubwugarizi bari bamaze gusigara.

Igitego cya kabiri nacyo cyabonetse mu buryo bwo kurangara kuko Francisco yazamukanye umupira agera kuri Buregeya Prince wari umuyobozi w’ubwugarizi ashatse kumucenga atera umuserereko amwaka umupira. Ku bw’amahirwe macye umupira wanyereye ugana neza mu rubuga rw’amahina ari nako Francisco akomeza kwiruka awuzamukana ahura na Aime Uwineza Placide wananiwe kumuhagarika bityo atsinda igitego cya kabiri.

Mashami Vincent wabonaga nta kindi gisubizo afite yaje gusimbuza akuramo Cyitegetse Bogarde ashyiramo Felicien Hakizimana ku munota wa 67’ w’umukino. Gusa byaje gukurikirwa n’ikarita itukura yahawe Sindambiwe Protais azira gukandagira umukinnyi wa Zambia wari wizamukaniye umupira.

Ku ruhande rwa Zambia,  Martin Njobvu yasimbuwe na Obino Chisala ku munota wa 87’, Benson Kesala asimburwa na Mwiya Malumo naho Mumba Muma asimburwa na Albert Kangwanda.

Ishimwe Saleh ukina hagati mu ikipe y’u Rwanda yahawe ikarita y’umuhondo azira kuburanya umusifuzi ubwo yari akoze ikosa bakamusifura naho Mumba Muma ayihabwa azira ko bamusimbuje agatinda gusohoka mu kibuga.

Umukino wo kwishyura uzakinwa kuwa Gatanu tariki 18 Gicurasi 2018 i Lusaka muri Zambia aho u Rwanda ruzaba rusabwa gutsinda ibitego 3-0. 

Ku murongo w'inyuma uva ibumoso: Rtd Brig.Gen Sekamana Jean Damascene uyobora FERWAFA, Uwacu Julienne Minisitiri w'Umuco na Siporo ndetse na Gen.James Kabarebe Minisitiri w'ingabo 

Mashami Vincent ahanura abakinnyi

Bamwe mu bakozi ba FERWAFA

Ni umukino u Rwanda rwakozemo amakosa menshi

Mugisha Patrick ku mupira 

Mugisha Patrick atanga umupira hafi ya Benson Kelala wari ucungiye hafi

Nshimiyimana Marc azamukana umupira uvuye inyuma iburyo 

Abasifuzi n'abakapiteni

11 b'u Rwanda babanje mu kibuga 

11 ba Zambia babanje mu kibuga

Abakinnyi basuhuzanya

Haririmbwa indirimbo yubahiriza igihugu cy'u Rwanda

Amakipe asohoka mu rwambariro

Uva ibumoso: Mashami Vincent nk'umutoza mukuru, Rwasamanzi Yves umutoza wungirije na Mugabo Alex umutoza w'abanyezamu

Mugiraneza Jean Baptiste Miggy kapiteni wa APR FC yitabaga telefone anakurikiye umukino

Igice cya mbere kirangiye abatoza bagiye baganira ku makosa babonye mu mukino

Itangishaka Blaise (ibumoso n'umwana we) na Bizimana Djihad (Iburyo) wari uhugiye muri Telefone

Nyirinkindi Saleh (Ibumoso) ntabwo yari mu bakinnyi 18

Kitegetse Bogarde (10) ashaka inzira 

Nshimiyimana Amran n'umufasha we

Cassa Mbungo Andre (Iburyo) umutoza mukuru wa Kiyovu Sport

Rwabuhihi Innocent yaje kureba umuhungu we Uwineza Aime Placide 

Sindambiwe Protais yahawe ikarita itukura 

Bisengimana Justin (ibumoso) wahoze ari umutoza wungirije muri Police FC na Kirasa Alian (Iburyo) umutoza wungirije muri Kiyovu Sport

Sindambiwe Protais (9) asohoka hanze 

Mu mukino wo kwishyura uzaba kuwa 18 Gicurasi 2018 u Rwanda rurasabwa ibitego 3-0

AMAFOTO: Saddam MIHIGO (Inyarwanda.com)