Rayon Sports yafashe umwanya wa mbere nyuma yo kunyagira Espoir FC-AMAFOTO

Ikipe ya Rayon Sports kuri uyu mukino yari yahindutse mu buryo bugaragara kuko umusore nka Mugisha Francois Master yari yagarutse mu kibuga nyuma y’igihe kigera ku mezi atandatu adakina kubera imvune. Uyu musore yafatanyaga na Mukunzi Yannick hagati mu kibuga.

Rayon Sports yakinaga umukino wo guhanahana baturutse inyuma, baje kubona igitego ku munota wa 39’ gitsinzwe na Christ Mbondy ku mupira yahawe na Manzi Thierry nyuma yuko wari umugoye kuba yawutera n’umutwe. Igitego cya kabiri cyatsinzwe na Bimenyimana Bonfils Caleb ku munota wa 47’ w’umukino mbere yuko Christ Mbondy yungamo ikindi ku munota wa 90’+4’ ku mupira yohererejwe na Nyandwi Saddam wakinnye umukino wose.

Ivan Mianert yavuze ko yakunze cyane uburyo Nyandwi Saddam yitwaye muri uyu mukino

Mu mikinire ya Ivan Minaert, yari yakoresheje abugarira bya nyabyo batatu (Back-3) aribo Manzi Thierry, Mutsinzi Ange na Faustin Usengimana. Nyandwi Saddam yabazwaga akazi ko ku ruhande rw’iburyo rwose bikaba bityo kuri Irambona Eric Gisa ku ruhande rw’ibumoso.

Mugisha Francois bita Master yafatanyaga na Mukunzi Yannick hagati, Manishimwe Djabel agakina inyuma ya Bimenyimana Bonfils Caleb na Christ Mbondy.

Ivan Minaert ashimira Christ Mbondy wamaze kuzuza ibitego 3 muri shampiyona

Ivan Minaert atanga inama ku bakinnyi 

Christ Mbondy yujuje ibitego bitatu mu mikino ibiri 

Mashami Vincent umutoza wungirije mu Mavubi yarebye uyu mukino

Irambona Eric Gisa yakinnye inyuma ibumoso ahubwo Rutanga asimbuye Bimenyimana Bonfils Caleb ahita ajya gukina asatira izamu

Mu gusimbuza, Ivan Minaert yatangiye akuramo Manishimwe Djabel ashyiramo Muhire Kevin wahise atangira gukina ahengamiye ibumoso ugana imbere naho Bimenimana Bonfils Caleb asimburwa na Eric Rutanga Alba wahise akina nka Rutahizamu. Manzi Thierry yahawe ikarita y’umuhondo azira ikosa yakoreye kuri Ssemazi John.

Ku ruhande rwa Espoir FC, Ndizeye Jimmy yatangiye akuramo Uwimana Emmanuel bita Nsoro Tiote ashyiramo Renzaho Hussein ku munota wa 59’ naho Nkurunziza Felicien asimbura Moninga Walusambo Emmanuel bita Keita. Kuri ubu Rayon Sports yagwije amanota 24 n’ibitego icyenda (9) izigamye mu gihe Kiyovu Sport igomba kujya ku mwanya wa kabiri n’amanota 24 ikaba izigamye ibitego bitandatu (6).

Ivan Minaert yabwiye abanyamakuru ko yashimishijwe n'uburyo Nyandwi Saddam yitwaye kandi ko ashimishijwe n'uburyo ikipe ye yakinnye mu gihe abakinnyi nka Pierrot Kwizera na Nahimana Shassir batakinnye 

Mugisha Francois bita Master yaherukaga mu kibuga ubwo Rayon Sports yakinaga na Etincelles FC mu gikombe cya FEZABET

Christ Mbondy watsinze igitego cya Rayon Sports ku munota wa 39'

Uwimana Emmanuel Tiote yaje gusimburwa ku munota wa 59'

Bao Baloua ahabwa umuhondo

Ndayizeye Jimmy Umutoza wa Espoir FC aganira na Bao Baloua

Uwimana Emmanuel bita Nsoro Tiote wa Espoir FC azamukana umupira akurikiwe na Mukunzi Yannick

Bimenyimana Bonfils Caleb (ibumoso) na Irambona Eric Gisa (Iburyo) babanje mu kibuga

Umukino Rayon Sports yakinnye mbere yo kwakira Mamelodi Sundowns 

Nyandwi Saddam yagarutse muri 11

Yannick Mukunzi yasimbuwe na Niyonzima Olivier Sefu

Abakinnyi bishimana na Ivan Minaert umutoza wabo mushya 

Mamelodi Sundowns barebye uyu mukino banakora imyitozo

Bamwe mu bakinnyi ba Rayon Sports barimo na Rwatubyaye Abdul 

Kwizera Pierrot Mansare (ibumoso) na Asman (iburyo) umufana ukomeye wa AS Kigali

Yassin Mugume ntabwo yaje muri 18

Ndizeye Jimmy atanga impanuro ku bakinnyi

Abatoza ba Rayon Sports wabonaga bahuza nta kibazo

Uwimana Emmanuel yakinnye iminota 59'

Abafana ba Rayon Sports bashimira abakinnyi

Imibare yaranze umukino muri rusange 

Ndizeye Jimmy umutoza wa Espoir FC yavuze ko abakinnyi bagize ikibazo cyo kutigirira icyizere ngo babashe kujya bagumana umupira ku kirenge

Dore uko imikino yarangiye:

Ku Cymweru tariki ya 4 Werurwe 2018

-Musanze FC 1-2 Sunrise FC

-Marines FC 3-1 Amagaju FC

-Rayon Sport 3-0 Espoir FC

-Bugesera FC 3-1 Kirehe FC

-Miroplast FC 1-0 Gicumbi FC

Kuwa Gatanu tariki 2 Werurwe 2018

-SC Kiyovu 0-2 Police FC  

Kuwa Gatandatu tariki 3 Werurwe 2018

-Etincelles FC vs APR FC ( Warimuwe)

-AS Kigali 0-0 Mukura Victory Sport  

AMAFOTO: Saddam MIHIGO (Inyarwanda.com)