Umutoza Alex Ferguson yatumiye Usain Bolt mu myitozo ya Manchester United
0

Umutoza Alex Ferguson yatumiye Usain Bolt mu myitozo ya Manchester United

Yashyizweho na: Editor - Kuwa:05/09/2012

Usain Bolt uherutse gutwara imidali itatu ya zahabu yo gusiganwa 200m na 100m mu mikino Olempike yabereye  London mu Bwongereza. Inzozi ze zo gukinira Manchester United zigiye kuba impamo kuko yatumiwe n’umutoza Alex Ferguson mu myitozo.

Ubusanzwe Usain Bolt ni umufana ukomeye w’ikipe ya Manchester United akaba atarahwemye kuvuga icyifuzo afite cyo kuzakina umupira w’amaguru muri iyi kipe.

Ni nyuma yo gusaba Rio Ferdinand incuti magara y’uyu musore kumufasha kubona amahirwe yo kugeragezwa muri iyi kipe abinyujije mu butumwa yanditse kuri Twitter.

Ntago ari ubwa mbere Usain Bolt asuye ikibuga Manchester United ikoreraho imyitozo kuko yemeza ko ariwe wigishije Christiano Ronaldo kwiruka bikamufasha gutsinda ibitego byinshi.

Alex Ferguson yatangaje ko ashobora guha amahirwe Usain Bolt agakina mu mukino wa gicuti uzabahuza na Real Madrid, umukino wo gufasha ukinwa n’abasaza hamwe n’abakanyujijeho muri ruhago.

Alex Ferguson ati: “ abasore baturuka muri biriya birwa nka Dwright Yorke bose bakura bakina umupira w’amaguru, ashobora kuba yarawukinye mu mashuri cyangwa akiri muto byaba byiza tumuzanye”  

Usain Bolt rero abashije kwitwara neza mu myitozo ashobora guhabwa amahirwe yo gukinira Manchester United ibintu abantu benshi bafite amatsiko yo kureba imikinire ye.

Source: manutd.com

Rutaganda Ponny.

Tanga Igitekerezo

Amazina
Email

Amategeko n'amabwiriza birakurikizwa

Inkuru Bijyanye

Amakuru yasomwe Cyane