RFL
Kigali

2019 AFCON Qualifiers: Uganda yaguye miswi na Tanzania, u Burundi bukura inota i Libre Ville-AMAFOTO

Yanditswe na: Mihigo Saddam
Taliki:8/09/2018 22:55
0


Ikipe y’igihugu ya Uganda yaguye miswi na Tanzania banganya 0-0 mu mukino w’umunsi wa kabiri mu rugendo rwo gushaka itike y’igikombe cya Afurika cy’ibihugu cya 2019 kizabera muri Camaeroun.



Ni umukino waberaga kuri Namboole City Stadium mu mujyi wa Kampala kuri uyu wa Gatandatu tariki ya 8 Nzeli 2018, amakipe yombi atandukana nta n’imwe ibashije kwinjiza igitego.

Kunganya kw’amakipe yombi byakomeje kuba inyungu kuri Uganda kuko bahise bagira amanota ane (4) mu mikino ibiri bamaze gukina muri iri tsinda rya 12 (L).  Tanzania yanganyaga umukino wa kabiri ihita ifata umwanya wa kabiri n’amanota abiri (2).

Moses Waiswa (23) wa Uganda Cranes azamukana umupira

Lesotho iri ku mwanya wa gatatu n’inota rimwe mu gihe Cape Verde ari iya nyuma kuko nta mukino iratsinda mu mukino umwe amakipe amaze gukina uko ari abiri akaba anafitanye umukino kuri iki Cyumweru tarki ya 9 Nzeli 2018.

Umukino wari ukomeye cyane kuko wahuzaga abaturanyi

Abakinnyi basuhuzwa mbere yo gutangira umukino

Moses Magogo uyobora FUFA asuhuza Denis Onyango kapiteni akaba n'umunyezamu wa Uganda Cranes 

Abafana ba Uganda Cranes bari mu rugo bafite morale

Abakinnyi babanje mu kibuga ku mpande zombi:

Uganda XI: enis Onyango (GK, Captain), Nico Wakiro Wadada, Godfrey Walusimbi, Murushid Jjuuko, Hassan Wasswa Mawanda, Khalid Aucho, Denis Iguma, Moses Waiswa, Faruku Miya (86′ Edrisa Lubega), Emmanuel Arnold Okwi (77′ William Luwagga Kizito), Joseph Ochaya (67′ Patrick Henry Kaddu).

Tanzania XI: Aishi Salum Manula (G.K), Gadiel Michael Kamagi, Hassan Banda Abdi, Agrey Moris Ambros, David John Mwantika, Mbwana Samatta (Captain), Thomas Ulimwengu, Simon Msuva, Hassan Khamis Ramadhan, Frank Domayo, Abbas Mudathir

11 ba Tanzania babanje mu kibuga bahura na Uganda yari mu rugo

11 ba Uganda babanje mu kibuga bakira Tanzania i Namboole

Mu yindi mikino, ikipe y’igihugu y’u Burundi yakuye inota i Libreville muri Gabon nyuma yo kunganyirizayo na Gabon igitego 1-1.

Pierre Emerick Aubameyang  wa Arsenal yatsinze igitego ku munota wa 78’ ku ruhande rwa Gabon, yishyura igitego cy’u Burundi cyari cyatsinzwe na Saido Berahino wa Stoke City ku munota wa 41’.

Abarundi bayoboye itsinda rya Gatatu (C-) n’amanota ane (4) mu gihe Mali iri ku mwanya wa kabiri n’amanota atatu (3) naho Gabon iri ku mwanya wa gatatu n’inota rimwe. South Sudan niri ku mwanya wa nyuma nta mukino irakuramo inota.

Pierre Emerick Aubameyang (Iburyo) watsinze igitego cya Gabon na Moustapha Francis (Ibumoso) umukinnyi wa Gormahia FC n'u Burundi

Pierre Emerick Aubameyang (Iburyo) watsinze igitego cya Gabon na Moustapha Francis (Ibumoso) umukinnyi wa Gormahia FC n'u Burundi

Indi kipe yo mu karere ka Afurika y’iburasirazuba yagiye mu kibuga ni Kenya yatsinze Ghana igitego 1-0 mu mukino wabereye ku kibuga cya Kasarani City Stadium mu mujyi wa Nairobi. Nicholas Opoku myugariro wa Ghana yitsinze igitego ku munota wa 39’ w’umukino. Gusa Kenya guhera ku munota wa 62’ bakinaga ari abakinnyi icumi (10) kuko Joash Onyango yahaboneye ikarita itukura.

 

 

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND