RFL
Kigali

USA:Barack Obama yibasiye Perezida Trump wamusimbuye

Yanditswe na: Yvonne Murekatete
Taliki:10/09/2018 16:46
0


Barack Obama wahoze ari Perezida wa Leta Zunze Ubumwe z'Amerika yanenze bikomeye Perezida Donald Trump wamusimbuye amuziza icyo yise ubusazi buri kubera mu biro bya Perezida w'Amerika bya White House.



Ubwo yaganiraga n'abanyeshuri bo muri kaminuza ya Illinois, Barack Obama wahoze ayobora Leta Zunze Ubumwe za Amerika yatangaje ko ibiri kubera mu biro bya Perezida w'Amerika bidasanzwe ndetse ari bibi cyane. Yagize ati"Birakwiye ko hasubiraho ukuvugisha ukuri no gushyira mu gaciro no gukurikiza amategeko muri leta yacu"

Barack Obama yemeza ko yari amaze igihe ashaka gukurikiza umugenzo w'abayoboye Amerika wo kutagira ibyo batangaza bijyanye na politiki y'igihugu bamaze kuva ku butegetsi, ariko bitamworoheye kuko we yahisemo kunenga bikomeye ubutegetsi buriho kuri ubu muri Amerika bw'abo mu ishyaka ry'abarepubulikani.

Mu kumusubiza, Perezida Donald Trump yavuze ko Obama ari kugerageza kwiyitirira ibintu bitangaje igihugu cya Amerika kiri kugeraho atabashije gukora akiri ku butegetsi.

 Image result for donald trump

Donald Trump aturuka mu ishyaka ry'abarepubulikani, ridakunze guhuza kuri politiki za Leta Zunze Ubumwe z'Amerika n'ishyaka ry'abademokarate rikomokamo Barack Obama wahoze ayobora iki gihugu.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND