VIDEO: Mugisha ufata Inyarwanda.com nk’umubyeyi w'umuziki nyarwanda yayigeneye impano anagira icyo yisabira Perezida Kagame

Ugikubita amaso iyi mpano Gislain yageneye Inyarwanda, usanga yarayigereranyije n’umubyeyi w’umuziki nyarwanda. Ni ifoto Mugisha yashushanyije mu gihe cy’ibyumweru 2 akoresheje ikaramu imwe y’ibara ry’ubururu, ariko kuko atari byo yakoraga umunsi wose, avuga ko amasaha yakoresheje abarirwa muri 42. Avuga ko impamvu yashushanyije iyi mpano mu ishusho y’umugore w’umunyarwandakazi, ari ukugaragaza ko ‘Inyarwanda ari umubyeyi ufitanye isano y’amaraso n’umuziki Nyarwanda’.

Impano Mugisha Gislain yageneye INYARWANDA afata nk'umubyeyi w'amaraso w'umuziki nyarwanda

Mugisha Gislain yize amashuri y’icyiciro rusange mu iseminari nto ya St Pie X ku Nyundo akomereza icyiciro cya 2 cy’amashuri yisumbuye muri College du Christ Roi i Nyanza aho yize Imibare- Ubutabire- Ibinyabuzima (MCB). Kuri ubu yiga muri INES Ruhengeri muri Biomedical Laboratory Sciences. Ibi abifatanya no gushushanya nibura amasaha 3 ku munsi.

Mu kiganiro yagiranye n’INYARWANDA, Gislain avuga ko ahuye na Perezida wa Repubulika y'u Rwanda, Nyakubahwa Paul Kagame icya mbere yamugezaho ari uguha abanyabugeni bashushanya inzu ndangamurage irimo ibishushanyo bitari ibya kera gusa ku buryo abanyamahanga bajya baza kureba impano z’abanyarwanda bashushanya muri iki gihe.

Reba amafoto agaragaza akazi Gislain akoresha ikaramu:

Ubwo yatangiraga gushushanya impano yageneye INYARWANDA yo kwizihiza isabukuru y'imyaka 10 imaze igeza ku banyarwanda umuziki n'amakuru y'imyidagaduro y'umwimerere

Uko yakomezaga akazi, ibintu byarushagaho kugaragaza umucyo

Gislain afite ibindi bishushanyo byuje ubuhanga yakoresheje ikaramu

Yitegereza ibishushanyo amara amasaha atari macye arema

Gislain yagarutse ku bijyanye n’inzozi afite, uko yinjiye mu bijyanye no gushushanya akoresheje ikaramu gusa, n’ibindi bitandukanye.

KANDA HANO HEPFO UREBE IKIGANIRO YAGIRANYE NA INYARWANDA TV