Young Tone yagarutse i Kigali, ubu ari kubarizwa muri O'clock

Young Tone akigera i Kigali akaba yahise aba umuhanzi wa mbere ugiranye amasezerano y’imikoranire na studio ya O’clock ya Nick Breezy, aho batangaza ko bagiye gukorana ibikorwa bikomeye bifitiye akamaro buri ruhande.

Young Tone azwiho gukoresha icyongereza cyane mur hip hop ye no kugira ibishushanyo byinshi(Tattoo)ku mubiri

Mu kiganiro na Nick Breezy yadutangarije ko yishimiye kuba agiye gukorana n’uyu muraperi usanzwe ari n’inshuti ye.

Ati “Mfite abantu benshi twakoranye ariko Young tone niwe wa mbere tugiranye recording contract. Young Tone ubwa mbere twamenyanye akiva muri USA ariko ntitwahise dukorana kuko nyuma naje kumva ngo yahise ajya nairobi ariko muri 2014 ejo bundi twarahuye tubiganiraho twemeranya gukorana ku nyungu zacu twese.''

Young Tone na Nick Breezy basanzwe bafitanye ubucuti bushingiye ahanini ku njyana bahuriyeho ya hip hop

Kanda hano wumve imwe mu ndirimbo za Young Tone yakoze mu myaka yashize yise Hell boy

Nk’uko babidutangarije Young Tone akaba yagiranye amasezerano y’umwaka umwe na O’clock, iyi studio ikazafasha uyu muraperi gutunganya ibihangano bye ndetse n’ibindi bikorwa bijyanye n’ubuhanzi.Kuri ubu Young Tone akaba afite indirimbo ya mbere igiye gusohoka yitwa ‘Reka nkwiryeho’.

Nizeyimana Selemani