RFL
Kigali

Yatoye umugozi wicishijwe Saddam Hussein yikinira none ugiye kumukiza

Yanditswe na: Robert Musafiri
Taliki:12/02/2015 15:05
2


Umugabo witwa Mouaffak al-Rubaïe yashyize ku isoko umugozi wakoreshejwe ubwo uwahoze ari perezida w’igihugu cya Irak yamanikwaga nyuma yo gukatirwa urwo gupfa.



Hari mu kwezi kw’ukuboza mu mwaka w’2006 ubwo Saddam Hussein wahoze ayobora igihugu cya Irak yamanikwaga.Ubwo ibi byabaga, umugabo witwa Mouaffak al-Rubaïe wahoze ari umujyanama mu by’umutekano w’igihugu cya Irak nyuma y’ihirikwa rya Saddam yari yaje kureba uko uyu munyagitugu anyongwa.

Saddam

Uyu mugabo ashobora kuba agiye kuba umuherwe abikesha uyu mugozi nyamara ngo awutora sicyo yari agambiriye

Ubwo Saddam yamaraga kwicwa, uyu mugabo yahisemo gutwara umugozi bamumanitsemo kugira ngo azajye awumwibukiraho.Nyuma y’igihe kinini uyu mugabo yarabitse uyu mugozi, yaje kwigira inama yo kuwushyira ku isoko ndetse igiciro gihanitse yawushyiriyeho nticyakanze imbaga y’abashaka kuwugura.

Umugozi

Uyu mugozi niwo wakoreshejwe ubwo Saddam Hussein yanyongwaga

Ikinyamakuru The Washington Post kivuga ko uyu mugozi wahawe agaciro ka miliyoni 7 z’amadolari ndetse abantu benshi bakaba baravuze ko  biteguye kuyatanga kugira ngo batunge uyu mugozi.

Saddam

Saddam Hussein yishwe n'abanyamerika bamushinja gutunga ibitwaro bya kirimbuzi

Gusa ariko n’ubwo uyu mugabo ariwe wabitse uyu mugozi, hari impungene ko abantu benshi bafite aho bahuriye nawo nibumva aka kayabo ugiye kugurishwa bazasaba ko nabo bagira umubare runaka w’amafaranga bagenerwa mu yavuye muri cyamunara y’uyu mugozi.Ubu uyu mugozi umanitse mu nzu y’uyu mugabo wahoze urwanya bikomeye Saddam Hussein.

Robert Musafiri






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • 9 years ago
    ntukamwite umunyagitugu wowe wanditse iyi nkuru kuko nuakubwira ngo utange urugero rw ubunyagitugu bwe ntiwarubona.umunyagitugu nuwamusanze mu gihugu cye akamuvogera akanamwambura ubuzima atamuhaye
  • Ndacayisaba ibrahim2 years ago
    None nkuwo mugozi bakoresheje mukunyonga sadam hussein kobeshi bawirukira bazoca bawukora mwiki konunva bawushize nokwi beyi nini?ico nico gitekerezo narinfise





Inyarwanda BACKGROUND