Abahanga mu by’ubuzima bavuga ko iyi vitamine ari ingenzi ku buzima bw’umubyeyi utwite kuko ariyo yonyine ibasha gutuma umwana akura neza mu gihe ari munda kandi ibi bigakorwa mu gihembwe cya mbere cyo gutwita ni ukuvuga mu mezi atatu ya mbere.
Folate rero ni imwe mu moko atandukanye ya vitamini B uhereye kuri B1 ukageza kuri B12. Iyi rero yo ni vitamine ya B9.
Aha uribaza uti ese iyi vitamine imaze iki?
Nk'uko twabivuze haruguru folate cyangwa vitamine B9 Irinda ko umwana yazavukana ubumuga nk’ibibari, umutwe uteye nabi, ubwonko budakora neza, urutirigongo rwasohotse bikaba nk’inyonjo ahegereye ku kibuno, guhora ata inkonda nk'uko tubikesha urubuga medicalnewstoday.com.
Iyi vitamine umubyeyi ayikenera ryari?
Nk'uko twakomeje kubivuga, abahanga bavuga ko ari byiza ko umubyeyi aba yarayifashe atarasama ndetse yaba yaranasamye agakomeza kuyifata mu gihe ingingo z’umwana ziba ziri kwirema ni ukuvuga mu cyumweru cya kane cyangwa cya gatanu atwite byaba byiza ukayifata ari nyinshi mu gihembwe cya mbere ariyo mezi atatu ya mbere.
Ese ni hehe ushobora gukura iyi vitamine B9 cyangwa se Folate?
Ubushakashatsi bwerekanye ko vitamine B9 iboneka mu biribwa bitandukanye birimo:
Ibinyampeke: umuceri, ingano, ibigori n’amasaka.
Imbuto: indimu, icunga, avoka, ipapayi, inkeri
Imboga: amashu mu bwoko bwayo bwose, epinari n’izindi
Ibinyamisogwe: ubushaza, lentille n’ibishyimbo.
Niba witegura gutwita cyangwa se unatwite ni byiza gufata ibiribwa byiganjemo vitamine B9 kugirango urinde umwana wawe kuzavukana ubumuga ubwo ari bwo bwose.
Src: Medicalnewstoday.com
TANGA IGITECYEREZO