Uyu munsi ni umunsi wa Mutagatifu Olivia: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

671: Umwami w’ubuyapani  Tenji yashyize igikoresho gipima amasaha bwa mbere mu mujyi wa Ōtsu ukaba wari umurwa w’u Buyapani icyo gihe, isaha y’amazi yitwaga Rokoku.

1786: Umutingito udasanzwe wasenye icyuzi cyo ku mugezi wa Dadu mu ntara ya Sichuan mu gihugu cy’u Bushinwa, abantu basaga ibihumbi 100 bahasiga ubuzima.

1935: Dr. Robert Smith yanyoye inzoga bwa nyuma, maze ahita ashinga umuryango wa Alcoholics Anonymous ugamije gufasha abannywi kuzireka, aho yawushinganye na Bill Wilson i Akron muri Ohio muri Leta Zunze Ubumwe za Amerika.

1944: Mu mikino ya Baseball, Joe Nuxhall ku myaka 15 wakiniraga ikipe ya Cincinnati Reds yabaye umukinnyi wa mbere ukiri muto wemerewe gukina uyu mukino mu ikipe nkuru.

1947: Imodoka ya mbere ikozwe n’uruganda rwa Saab yagiye hanze.

1977: Mudasobwa ya mbere yo mu bwoko bwa Apple II, ikaba ari imwe muri mudasobwa za mbere zigenewe gukoreshwa n’abantu ku biti byabo (PC) yagiye ku isoko.

1980: Afurika y’epfo- Ishyaka rya ANC ryahamagariye abayoboke baryo kurwana nyuma y’ifungwa ry’uwari umuyobozi waryo Nelson Mandela.

2001: Papa Yohani Paul wa 2 yagize umugore wa mbere w’umunyalibani umutagatifu, uwo akaba ari Mutagatifu Rafqa.

Abantu bavutse uyu munsi:

1959: Carlo Ancelotti, umutoza w’umupira w’amaguru w’umutaliyani ni bwo yavutse.

1973: Flesh-n-Bone, umuraperi w’umunyamerika nibwo yavutse.

1978: Shane West, umuririmbyi, umucuranzi wa guitari akaba n’umukinnyi wa filime w’umunyamerika wamenyekanye nka Michael muri filime y’uruhererekane ya NIKITA yabonye izuba.

1991: Juan Jesus, umukinnyi w’umupira w’umunyabrazil nibwo yavutse.

1992: Kate Upton, umunyamideli akaba n’umukinnyikazi wa filime w’umunyamerika nibwo yavutse.

2001: Sasha Obama, umukobwa wa perezida wa Leta zunze ubumwe za Amerika Brack Obama nibwo yavutse.

Abantu bitabye Imana uyu munsi:

1836: André-Marie Ampère,umunyabugenge akaba n’umuhanga mu mibare w’umufaransa, akaba ariwe witiriwe urugero rw’igipimo cy’umuriro (intensite) cya  Ampère yaratabarutse, ku myaka 61 y’amavuko.

1898: Tuone Udaina, umunya-Croatia wari ufite n’ubwenegihugu bw’ubutaliyani, akaba ariwe muntu wa nyuma wavugaga ururimi rwa Dalmatic yitabye Imana, bikurizaho uru rurimi kuzimira burundu.

1976: Adolph Zukor, umushoramari wa filime w’umunyamerika ukomoka mu gihugu cya Hongriya, akaba umwe mu bashinze inzu itunganya filime ya Paramount Pictures yaratabarutse, ku myaka 103 y’amavuko.

2000: Hafez al-Assad, wabaye perezida wa 18 wa Syria akaba ari se wa perezida uriho ubu Bassel al-Assad yaratabarutse, ku myaka 70 y’amavuko.

2005: Curtis Pitts, umushushanyi w’indege w’umunyamerika, akaba ariwe wakoze indege yo mu bwoko bwa Pitts Special, zizwi mu kwifashishwa mu marushanwa y’indege yaratabarutse, ku myaka 90 y’amavuko.

2012: George Saitoti, wabaye visi perezida wa Kenya wa 6 yaratabarutse, ku myaka 67 y’amavuko.

2012: Sudono Salim, umushoramari w’umunya-Indonesia ufite inkomoko mu Bushinwa akaba ariwe washinze Banki Santarali ya Aziya (Central Bank Asia) yaratabutse, ku myaka 96 y’amavuko.

2013: Bel'ange Epako, umukinnyi w’umupira w’amaguru w’umukongomani yitabye Imana, ku myaka 18 y’amavuko.

Iminsi mikuru yizihizwa uyu munsi:

Uyu munsi ni umunsi wa Mutagatifu Olivia.