.jpg)
Indwara y’igifu cy’ibisebe iri mu ndwara zibasira imbaga y’abantu batari bake ku isi kuko ubushakashatsi bwerekanye ko buri mwaka abantu ibihumbi 500 ari bo bafatwa nayo. Aho iyi ndwara ibera mbi cyane ni uko ifata itarobanuye abakuru n’abatoya, ibintu usanga biteye inkeke kuko uyifite adashobora kubona amahoro mu buzima bwe bwose
Ubusanzwe igifu ni inyama y’ingenzi cyangwa se agafuka kari mu nda y’umuntu gashinzwe kubika ibyo umuntu yariye kakabisya kakabinoza noneho kakabona kubyohereza mu bindi bice by’umubiri w’umuntu, iyo bimaze kukwirakwira hirya no hino mu mubiri ninabwo biwugirira akamaro gakomeye
Mu gushaka kumenya byinshi kubijyanye n’indwara y’igifu cy’ibisebe bitewe n’uko ifata abantu benshi, twifashishije umuganga w’inzobere mu gukoresha imiti y’ibimera mu ivuriro 'Isoko Life Center' bwana Camarade maze atubwira byinshi kuri iyi ndwara
Ese indwara y’igifu cy’ibisebe iterwa n’iki?
Camarade Jean Damascene ati"Mu byukuri iyi ndwara iterwa n’ibintu byinshi bitandukanye birimo:
Kurya ibintu bishyushye cyane
Kurya vuba vuba
Kurya umuntu aryamye
Kurya utongana n’uwo muri gusangira
Ishyari
Uburakari
Umujinya/agahinda gakabije
Kutagira amasaha yo kuriraho
Guhekenya utuntu utari bumire
Kurya usomeza
Kunywa inzoga n’itabi n’ibindi"
Ni ibihe bimenyetso biranga umuntu urwaye igifu cy’ibisebe?
Camarade Jean Damascene ati"Biragoye gutandukanya ibimenyetso by’igifu cy’ibisebe n’andi moko y’igifu ariko bimwe muri ibi bimenyetso harimo:
Kocyerwa cyane mu nda
Kubabara munda cyane cyane ushonje
Kubabara mu bitugu ahagana munsi y’irugu
Gutura imibi myinshi
Gucika intege nyuma yo gufata amafunguro
Kunanirwa kwituma
Kugira isesemi
Kubura appétit"
Ese birashoboka ko umuntu wazahajwe n’indwara y’igifu cy’ibisebe yakira?
Camrade Jean Damascene yagize ati"Birashoboka cyane ko uyu muntu ashobora gukira ndetse mu gihe kingana n’ukwezi n’igice gusa kuko dufite imiti karemano ibasha kuvura iyi ndwara iyo utugannye mu maguru mashya ushobora gukira mu kwezi n’igice ku buryo igifu cyawe cyongera kugira ubuzima bwiza noneho n’ibiryo utajyaga urya ugatangira kugirana umubano wihariye na byo"
Eng
RSS 
TANGA IGITECYEREZO