Umuryango w’Abibumbye wateguye inama y’igitaraganya yo kwiga ku cyorezo cya Ebola muri Congo Kinshasa

Ishami ry’Umuryango w’Abibumbye ryita ku buzima OMS, ryemeje ko iyi nama y’igitaraganya iteganyijwe kuri uyu wa 17 Ukwakira 2018. Ni inama yanatumiwemo n’umuyobozi w’ishami ry’Umuryango w’Abibumbye ryita ku buzima OMS Dr Tedros Adhanom Ghebreyesus, izabera i Geneve mu Busuwisi.

OMS ivuga ko abantu bamaze kwandula Ebola ari 211 (176 bimaze kwemezwa hamwe na 35 bikekwa ko bayanduye), hakaba hari abashika 135 bamaze gupfa. Itangazo OMS yashize hanze rivuga ko iyi nama igiye kwigirwamo icyakora kugirango iki cyorezo kireke kwiyongera ,kugira ngo kitazahitana umubare munini nk’uko byagendekeye abatuye mu burengerazuba bw’Afurika mu bihugu bya Sierra Leone, Guinea na Liberia mu mwaka wa 2014.

OMS itangaza ko icyorezo cya Ebola cyongeye kubura muri Congo Kinshasa kuva taliki ya 1 ukwezi kwa 8 uyu mwaka wa 2018, mu ntara ya kivu y’Amajyaruguru. Kuri ubu abantu 211 baracyanduye, 176 bemejwe nk’abarwayi ba Ebola nabo 35 birakekwa ko baba baranduye iki cyorezo cya Ebola.

OMS ivuga ko umubare w’abayandura ushobora gukomeza kwiyongera kuko imirwano y’abarwanyi b’inyeshyamba za ADF Nalu mu ntara ya Beni muri Congo Kinshasa nayo ikomeje gukumira ibikorwa by’ubutabazi.

Src: BBC