Umukinnyi wa filime Donnie Yen yavutse kuri iyi tariki: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1921: Abashakashatsi bo muri kaminuza ya Toronto bari bayobowe na Frederick Banting bagaragaje ko umusemburo wa Insulin ugabanya isukari mu mubiri ukayigeza ku kigero kiba kifuzwa.

1929: Amasezerano y’i Geneve yagengaga imicungire y’imfungwa z’intambara yasinywe hagati y’ibihugu na Leta 53 byo ku isi.

1953: Intambara muri Korea yarahagaze nyuma y’uko ibihugu bya Korea y’amajyaruguru, ubushinwa, na Amerika bisinyiye amasezerano yo gushyira intwaro hasi. Korea y’epfo yanze kuyasinya ariko nayo yemera kurekura intwaro.

1964: Mu ntambara yo muri Vietnam, izindi ngabo 5,000 za Amerika zoherejwe muri Vietnam bituma umubare w’ingabo za Amerika zabaga muri Vietnam ugera ku bihumbi 21.

1976: Minisitiri w’intebe w’ubuyapani yarafunzwe aregwa kudakurikiza amategeko agenga ivunjisha ry’ifaranga ry’ubuyapani n’andi mategeko agenga ubucuruzi mpuzamahanga bitewe na ruswa yari yarayogoje guverinoma ye.

1981: Umwana w’imyaka 6, Adam Walsh umuhungu w’umunyamakuru John Walsh yarashimuswe maze aza kuboneka yarishwe nyuma y’iminsi 14.

1987: Ikompanyi RMS Titanic Inc. yatangiye igikorwa cyo gushakisha ibisigazwa by’ubwato RMS Titanic nyuma y’impanuka y’ubu bwato yo mu mwaka w’1912.

1996: Igisasu cyaturikiye ahaberaga imikino ya Olympic hazwi nka Central Olympic Park muri Atlanta muri Amerika maze umugore umwe witwa Alice Hawthorne ahita ahagwa naho abandi 111 barakomereka.

1997: Abantu bagera kuri 50 bapfiriye mu bwicanyi bwa Si Zerrouk muri Algeria.

2007: Indege 2 za kajugujugu za televiziyo ya Phoenix zagonganiye mu kirere hejuru y’ishuri rya Steele Indian School Park mu gihe bari bari gutara amakuru.

Abantu bavutse kuri uyu munsi:

1866: Antonio José de Almeida, perezida wa 6 wa Portugal ni bwo yavutse aza gutabaruka mu mwaka w’1929.

1923: Mas Oyama, umuyapani ukina Karate akaba ariwe washinze uburyo bw’imirwanire bwa Kyokushinkai nibwo yavutse.

1963: Donnie Yen, umukinnyi wa film ukomoka muri Hong Kong yabonye izuba.

1967: Sasha Mitchell, umukinnyikazi wa film w’umunyamerika ni bwo yavutse.

1975: Alessandro Pistone, umukinnyi w’umupira w’amaguru w’umutaliyani nibwo yavutse.

1979: Sidney Govou, umukinnyi w’umupira w’amaguru w’umutaliyani ni bwo yavutse.

1990: Nick Hogan, umukinnyi wa filime w’umunyamerika ni bwo yavutse.

Abantu bapfuye kuri uyu munsi:

1844: John Dalton, umunyabugenge akaba n’umunyabutabire (chemist-physist) w’umwongereza yaratabarutse ku myaka 68 y’amavuko.

2012: Tony Martin, umukinnyi wa filime w’umunyamerika yaratabarutse, ku myaka 99 y’amavuko.

2013: Sékou Camara, umukinnyi w’umupira w’amaguru w’umunya-Malia yitabye Imana, ku myaka 28 y’amavuko.