Ukunda kurwara imitsi bya hato na hato? Dore imirire myiza yagufasha guca ukubiri nayo

Nubwo hari imwe mu miti itangwa mu kugabanya ububabare ku barwaye imitsi, hari imwe mu mirire yagufasha guca ukubiri na yo ukabaho utekanye, ariko na none iyo wamaze kumenya neza ko ari imitsi yakuzahaje ni byiza gufata aya mafunguro tugiye kuvuga ariko ukabifatanya na ya miti yo kwmuganga

Bimwe muri ibyo biribwa ni ibi bikurikira:

Uruvange rw’imbuto n’imboga bifite amabara y’icyatsi, umutuku ndetse n’umuhondo

Imbuto zizwiho kuba isoko nyayo ya za vitamin nyinshi nka A, B zinyuranye na C, Imboga nazo ni uko zibonekamo cyane vitamin A, E na K. imbuto n’imboga kandi zibamo fibre, ibirwanya uburozi mu mubiri, ndetse n’ibifasha mu kuringaniza ibiro n’uburebure. Izo wakibandaho cyane mu gihe cy’uburwayi bw’imitsi ni inkeri mu moko yose (blueberries, raspberries, strawberries, …), amacunga, avoka, concombre, indimu n’ibyo mu bwoko bwabyo (citrus fruit), poivron, inyanya, dodo, amashu mu moko yayo yose, urunyogwe n’ibijumba n’ibindi

Ibifite intungamubiri ya vitamine B12

Kubura vitamin B12 ni kimwe mu bitera indwara y’imitsi. Iyi ikunze kugaragara ku bantu badakozwa na gato ibikomoka ku matungo (vegetarians) kuko iyi vitamini ntikunze kuboneka mu bimera, Iyi vitamini uyisanga mu nyama y’iroti (imwe ukata ukabona harimo akantu k’umweru kameze nk’akari hagati y’imihore), amagi, amata n’amafi. Ibi kandi ni nabyo bibonekamo poroteyine, hiyongereyeho soya, ibishyimbo n’ibindi binyamisogwe bimwe.

Ibindi ushobora kwibandaho mu gihe wazahajwe n’indwara y’imitsi, ni ibinyampeke birimo umuceri, amasaka, ibigori, uburo, n’ibindi byo muri ubwo bwoko nabyo abahanga bavuga ko bikungahaye kuri vitamin B na fibre bifasha mu guhangana n’indwara y’imitsi

Src: passeportsante.net