Mantis Collection, ni kompanyi yo muri Afurika y'epfo izobereye mu gucunga amahoteli no kwamamaza
Kuri uyu wa 11 Ukwakira, 2017, ni bwo aya masezerano yashyizweho umukono hagati y'ikigo cy'igihugu gishinzwe ubwiteganyirize bw'abakozi mu Rwanda(RSSB) na Kompanyi Mantis Collection. Iyi kompanyi yo muri Afurika y'epfo ifite ubunararibonye mu gucunga amahoteli no kwamamaza. Aya masezerano arebana no gucunga ' Akagera Game Lodge', inyubako yakirirwamo ba mukerarugendo iherereye muri Pariki y'Igihugu y'Akagera.
Akagera Game Lodge
Aya masezerano azamara imyaka icumi akaba agamije kongera umusaruro winjijwa na Akagera Game Lodge ndetse no kureshya bamukerarugendo baza mu Rwanda
Umuyobozi mukuru ushinzwe iby'ubukerarugendo mu kigo cy'igihugu gishinzwe itarambere (RDB) Ms.Belise Kariza yavuze ko bishimiye gutangira gukorana na Mantis Group kandi ngo aya masezerano ni intambwe ikomeye Guverinoma y'u Rwanda iteye mu kwagura ubucuruzi bushingiye ku bukerarugendo
Akagera Game Lodge isanzwe iri mu maboko ya RSSB kuko iki kigo gifite imigabane yose. Akagera Game Lodge fite ibyumba bigera mirongo itandatu na bine (64); yubatse ku nkengero z'ikiyaga cya Ihema. Niyo rukumbi ifatwa nk'amacumbi ya bamukerarugendo basura Pariki y'Igihugu y'Akagera uretse amahema matoya aharangwa.
TANGA IGITECYEREZO