Paul Walker na Jason Statham bavutse kuri iyi tariki: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1919: Adolf Hitler yinjiye mu ishyaka ry’abakozi ry’u Budage.

1952: Mu mujyi wa Flatwoods muri Virginia y’iburengerazuba muri Amerika hagaragaye ikintu

kidasanzwe benshi bafata nka baringa abandi bita ikivejuru, kikaba cyari gifite ibara ry’umutuku gipima metero 3 z’uburebure giteye nk’abantu.

1961: Umuryango wa Afurika yunze ubumwe na Madagascar warashinzwe.

1974: Umwami w’abami wa Ethiopia, Haile Selassie yahiritswe ku ngoma na Dreg bikaba byaratumye ingoma ye yari imaze imyaka 58 irangira. Selassie afatwa nk’uwoherejwe n’Imana (Messiah) n’abemera Rastafari.

1977: Umwe mu barwanyaga ivanguraruhu rya Aparhteid muri Afurika y’epfo Steve Biko yarishwe yicwa na police ubwo yari yafashwe.

2011: Inzu y’urwibutso rw’ibitero byo mu 2001 tariki 11 Nzeli muri Amerika yarafunguwe ku mugaragaro.

Abantu bavutse uyu munsi:

1818: Richard Jordan Gatling, umuvumbuzi w’umunyamerika akaba yaravumbuye imbunda yo mu bwoko bwa Mitrailleuse yitwa Gatling nibwo yavutse aza gutabaruka mu 1903.

1967: Jason Statham, umukinnyi wa film w’umwongereza wamenyekanye cyane muri film nka Transporter yabonye izuba.

1973: Paul Walker wari umukinnyi wa filime wamenyekanye muri Fast & Furious yaravutse aza kwitaba Imana muri 2013.

1976: Bizzy Bone, umuririmbyi w’injyana ya Rap w’umunyamerika nibwo yavutse.

1976: 2 Chainz, umuririmbyi w’injyana ya Rap w’umunyamerika nibwo yavutse.

1977: James McCartney, umuririmbyi w’injyana ya Pop w’umwongereza akaba umuhungu wa Paul McCartney (wamenyekanye cyane mu itsinda rya The Beatles) nibwo yavutse.

1977: David Thompson, umukinnyi w’umupira w’amaguru w’umwongereza nibwo yavutse.

1981: Jennifer Hudson, umukinnyikazi wa film w’umunyamerika akaba n’umuririmbyikazi yabonye izuba.

Abantu bitabye Imana uyu munsi:

1362: Papa Innocent wa 6 yaratashye.

1953: Hugo Shmeisser, umukozi w’intwaro w’umudage yitabye Imana, ku myaka 69 y’amavuko.

1981: Eugenio Montale, umusizi w’umutaliyani wanahawe igihembo cy’amahoro cyitiriwe Nobel yitabye Imana, ku myaka 85 y’amavuko.

2001: Victor Wong, umukinnyi wa film w’umunyamerika ufite inkomoko mu bushinwa yitabye Imana, ku myaka 74 y’amavuko.