Nutangira kwihagarika inshuro nke ku munsi uzamenye ko unywa amazi macye ku yo umubiri ukeneye

Abaganga bagaragaza ko ubusanzwe, umuntu muzima unywa amazi ahagije umubiri we ukeneye kwihagarika hagati y’inshuro 6 na 8 ku munsi. Mu gihe ubonye ko utakijya kwihagarika izi nshuro umubiri wawe uba ukeneye amazi menshi kandi utawuha.

Icyakora abaganga bavuga ko hari n’izindi mpamvu zishobora kukwereka ko unywa amazi make nko:Kuribwa umutwe byoroheje cyangwa biringaniye. Niba ukunze kuribwa umutwe byoroheje, ni ikimenyetso ko umubiri wawe utawuha amazi ahagije.

Kumagara iminwa:Abaganga bavuga ko mu gihe ubona ukunze kumagara iminwa ukwiye kongera amazi unywa. 

Kumva rimwe na rimwe uzungera: Niba ukunze kugira ikizungera ni ikimenyetso cy’uko umubiri wawe ukeneye amazi ahagije.

Kugira inzara cyangwa inyota nabyo ngo ni ibimenyetso cy’uko umubiri ukeneye amazi. Kwihagarika inkari zijimye cyangwa umuhondo ni ikimenyetso cy’amazi macye mu mubiri.

Source:Santeplusmag.com