NTIBAGUHENDE: Dore uko ibiciro by’ibiribwa byifashe mu isoko rizwi nka Nyabugogo Modern Market

Kuri uyu wa kane tariki 14 Nzeri 2017 ni bwo Inyarwanda.com yasuye abacuruzi bo mu isoko rya Nyabugogo ryiganjemo abahoze bacuruza mu buryo butemewe n'amtegeko nyuma leta ikaza kubahuriza hamwe. Kujya gusura iri soko ni mu rwego rwo kugira ngo tubarebere uko ibiciro bihagaze hato hatagira ujya guhaha bakamuhenda. Ugereranyije n’ayandi masoko usanga ibiciro by’iri soko biri hasi.

Ibinyomoro bigura 500frw,bapima ku mufungo (ugereranyije ni nk'ibinyomoro 8)

Amatunda agurishwa 500frw nayo bapima ku mufungo

Iseri ry'imineke riragurishwa 700frw naho umuneke umwe wa poyo ukagurishwa 50frw

Avoka 1 iragurishwa 100frw

Umwembe 1 uragurishwa 250frw, Indimu nazo bafunga ku mufungo bakagurisha 400frw (ugereranije ni nk'ikilo)

Ipapaye rimwe riragurishwa 400frw

Inanasi iragurishwa hagati ya 300frw na 400frw, Icunga 1 riragurishwa 50frw

Umufungo w'inyanya uragurishwa 200frw naho uw'intoryi ukagurishwa 100frw

Umufungo w'imiteja ugurishwa 100frw ndetse n'uwa karoti ukagurishwa 100frw

Ibitunguru bigurishwa 200frw ku mufungo, Umufungo wa dodo ugurishwa 100frw, Ibishyimbo by'ibitonore bigurishwa 600frw ku kilo

Ikilo cy'ibirayi kiragurishwa 230frw

Ikilo cy'ibitoki kiragurishwa 200frw

Ikilo cy'ibijumba kiragurishwa 350frw

AMAFOTO: Lewis Ihorindeba- Inyarwanda.com