Mu ijoro ryo kuwa Gatandatu rishyira ku cyumweru tariki ya 07 Gicurasi 2017 ni bwo abana b'abakobwa 82 bari barafashwe bugwate n’umutwe w’intagondwa wa Boko Haram mu mujyi wa Chibok mu Burasirazuba bwa Nigeria barekuwe. Aba bakaba ari bamwe muri 200 bari bafashwe bugwate muri 2014 n’uyu mutwe w’ibyihebe.
Aba bana b’abakobwa barekuwe habayeho ingurane z’imfungwa z’ibi byihebe nkuko byatangajwe n’ibiro by’umukuru w’igihugu cya Nigeria.
"Uyu munsi, abandi bana b’abakobwa bo muri Chibok barekuwe, habayeho ingurane harekurwa bamwe mu bagize Boko Haram bari barafashwe n’ubuyobozi." Ibyatangajwe na perezidanse ya Nigeria babinyujije kuri Twitter
Mbere y’uko Leta ya Nigeria itangaza iyi nkuru, byari byabanje kuvugwa n’abantu bihurije hamwe mu bukangurambaga bwiswe ‘Bring Back Our Girls’ bwo kuvuganira aba bana kuva bafatwa.
Tariki ya 14 Mata 2014 ni bwo Boko Haram yafashe abana b’abakobwa b'abanyeshuri 276 bafite imyaka hagati ya 12 na 17, muri aba abagera kuri 57 bahise babatoroka, abandi 21 barekuwe mu Ukwakira 2016 nyuma y’ibiganiro hagati ya Boko Haram na Guverinoma ya Nigeriya ndetse n’imiryango mpuzamahanga irimo Croix rouge hamwe n’u Burusiya.
Src:7sur7
Eng
RSS 
TANGA IGITECYEREZO