Gloria Kamanzi Uwizera ni umwe mu bakobwa bikorera kandi bageze kure muri gahunda ya made in Rwanda. Mu gihe abandi bari gushyashyana barangura ibitenge byo kudodamo imyenda, we ari gukora ibitenge ku buryo imyenda azajya akora izajya iba ifite umwihariko wo mu Rwanda.
Muri iki gihe abantu batandukanye bahagurukiye gukora ibikoresho bikorewe mu Rwanda birimo n’imyambaro, Gloria akaba yarashinze ikompanyi yise Glo Creations ikora imyenda n’indi mitako itandukanye yo mu nzu nk’imisego yo mu ntebe, ibitambaro bimanikwa mu muryango no ku madirishya y’inzu ndetse ngo ateganya kwagura ibyo akora agashyiramo n’amatapi yo mu nzu.
Iyi ni imwe mu myenda Gloria akora
Iyo ugeze aho Gloria akorera ushobora kubona ibyo akora bisa n’iby’abandi bose ariko iyo agusobanuriye usanga afite umwihariko we kuko mu gihe abandi bakoresha ibitenge n’ibindi bitambaro bagurira hanze, we afata amarangi atandukanye akayakoresha mu gukora ibitenge cyangwa mu gutaka indi myenda itandukanye akayiha ibara ashaka n’ishusho ashaka bitewe n’ibyo abantu bakunda, cyane ko ngo yamaze kubona abakiliyabenshi bakunda imyenda ya kinyafurika ariko badakunda ibitenge bya rusange, bityo akabakorera ibitenge bifite umwihariko.
Iyi misego n'ibishushanyo biriho ni Gloria ubyishushanyiriza
Ubu buryo bwo kuvanga amarangi Gloria yadusobanuriye ko bwitwa ‘Batique’ aho umuntu ashobora kwiremera umwenda ufite ibara n’amashusho ashaka. Uburyo yinjiye muri uyu mwuga, aho yigiye gukora ibyo byose n’ibindi bitandukanye wabireba mu kiganiro kirambuye twagiranye nawe.
REBA HANO IKIGANIRO TWAGIRANYE NA GLORIA
Eng
RSS 
TANGA IGITECYEREZO