Mu 1977 Daddy Yankee yaravutse: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1870: Ingingo ya 15 yo mu itegekonshinga rya Leta zunze ubumwe za Amerika yaremejwe, ikaba ari ingingo iha buri muturage uburenganzira bwo gutora hatitawe ku bwoko bwe.

1961: Aaturage b’abahinzi bo muri Baixa de Cassanje muri Angola batangiye imyigaragambyo yatangije intambara y’ubwigenge bw’iki gihugu kuri Portugal.

1984: John Buster n’ikipe ye y’ubushakashatsi mu kigo cy’ubushakashatsi cya UCLA Medical Center bashyize hanze ubushakashatsi bw’uko umugore ashobora guha undi urubuto rw’umwana akamutwitira, hakavamo umwana muzima.

Abantu bavutse uyu munsi:

1977: Daddy Yankee, umuraperi ukomoka muri Puerto Rico yabonye izuba.

1978: Joan Capdevila, umukinnyi w’umupira w’amaguru wo muri Espagne nibwo yavutse.

1978: Sergei Kulichenko, umukinnyi w’umupira w’amaguru w’umurusiya nibwo yavutse.

1981: Maurice Ross, umukinnyi w’umupira w’amaguru wo muri Ecosse nibwo yavutse.

1988: Nicola Redomi, umukinnyi w’umupira w’amaguru w’umutaliyani nibwo yavutse.

1988: Gregory van der Wiel, umukinnyi w’umupira w’a,aguru w’umuholandi nibwo yavutse.

1990: Sean Kingston, umuhanzi w’umunyamerika ukomoka muri Jamaica yabonye izuba.

Abantu bitabye Imana uyu munsi:

1468: Johannes Gutenberg, umwanditsi w’umudage, akaba ariwe wavumbiye imashini isohora impapuro (printer) yaratabarutse, ku myaka 70 y’amavuko.

1924: Woodrow Wilson wabaye perezida wa 28 wa Leta zunze ubumwe za Amerika yaratabarutse, ku myaka 68 y’amavuko.

1959: Umunsi w’urupfu rw’umuziki ubwo hitabaga Imana abahanzi Big Bopper, Buddy Holly, na Ritchie Valens baguye mu mpanuka y’indege aho bapfanye n’uwari utwaye indege Roger Peterson. Uyu munsi ukaba ufatwa nk’umunsi wapfiriyeho umuziki muri Amerika (The Day the Music Died).

1998: Fat Pat, umuraperi w’umunyamerika wabarizwaga mu itsinda rya Screwed Up Click yitabye Imana, ku myaka 28 y’amavuko.