Mu 1966 Mike Tyson yaravutse: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1882: Nyuma yo guhamwa n’icyaha cyo kwica perezida wa Amerika  James Garfield, Charles J. Guiteau yishwe amanitswe mu mujyi wa Washington, D.C.

1936: Umwami  Haile Selassie wa Abyssinia (Ethiopiya), mu nama y’umuryango w’abibumbye yasabye ubufasha mu kurwanya igihugu cy’ubutaliyani cyari cyarateye igihugu cye.

1937: Bwa mbere ku isi, numero ya telefoni y’ubutabazi ya 999 yatangiye gukora I Londres mu Bwongereza.

1960: Igihugu cya Congo (RDC) cyabonye ubwigenge bwacyo ku Bubiligi.

1969: Mu gihe cy’intambara hagati ya Leta ya Nigeriya n’agace ka Biafra, igihugu cya Nigeria cyahagaritse ubufasha bw’umuryango utabara imbabare (Croix Rouge) bwajyaga muri Biafra.

Abantu bavutse uyu munsi:

1919: Ed Yost, umuvumbuzi w’umunyamerika, akaba ariwe wavumbuye ibipirizo biguruka nk’indege bizwi nka hot air balloon nibwo yavutse, aza gutabaruka mu 2007.

1966:Mike Tyson, icyamamare mu mukino w’iteramakofi akaba n’umukinnyi wa filime w’umunyamerika yabonye izuba.

1983: Cheryl Cole, umuririmbyikazi, umubyinnyi, akaba n’umunyamideli w’umwongereza, akaba yarahoze ari umugore w’umukinnyi w’umupira w’amaguru Ashley Cole yabonye izuba.

1983: Gugu Mbatha-Raw, umukinnyikazi wa filime w’umwongereza, nibwo yavutse.

Abantu bitabye Imana uyu munsi:

1882: Charles J. Guiteau, umuyobozi w’amasengesho, akaba n’umunyamategeko w’umunyamerika akaba yarahamijwe icyaha cyo kwica perezida wa Leta zunze ubumwe za Amerika James A. Garfield yitabye Imana, ku myaka 41 y’amavuko.

1994: Abatutsi biciwe hirya no hino mu gihugu, mu gihe Jenoside yakorewe Abatutsi mu Rwanda yari ikomeje

2013: Thompson Oliha, umukinnyi w’umupira w’amaguru w’umunyanigeriya yitabye Imana, ku myaka 45 y’amavuko.