Mu 1962 Jeanette Kagame, umufasha wa Perezida wa Repubulika y’u Rwanda yabonye izuba: Bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1270: Yekuno Amlak, yabaye umwami wa Ethiopiya bituma igisekuru cya Salomo cyongera gusubira ku ngoma nyuma y’imyaka 100 nta mwami wo muri icyo gisekuru ugera ku bwami.

1792: Mu mpinduramatwara zo mu Bufaransa, umwami Louis wa 16, yarafashwe mu gihe ingabo zamurindaga zari zimaze kwicwa n’abari barigometse ku bwami.

1793: Ingoro ndangamurage ya Louvre mu Bufaransa yarafunguwe ku mugaragaro mu mujyi wa Paris.

1821: Leta ya Missouri yemerewe kuba imwe muri Leta Zunze Ubumwe za Amerika iba leta ya 24 muri leta zose.

2001: Muri Angola, gari ya moshi yari itwaye abagenzi yateweho igisasu n’umutwe wa UNITA wa Savimbi warwanyaga leta wica mo abantu bagera kuri 252 n’abandi barakomereka bikomeye.

2003: Ubushyuhe bwo ku gipimo cyo hejuru mu mateka y’isi bwabaye mu bwongereza kuri degree 38.5 ku gipimo cya Celsius mu gace ka Kent.

2003: Yuri Malenchenko, yambariye impeta mu kirere aba umuntu wa mbere mu mateka y’isi ubikoze ubwo yambikaga impeta Ekaterina Dmitrieva ubwo yari atwaye indege dore ko ari nako kazi akora.

2012: Abacukuzi banyiramugengeri b’I Marikana muri Afurika y’epfo batangiye imyigaragambyo yaguyemo abagera kuri 47 mu gihe cy’ukwezi yamaze.

Abantu bavutse uyu munsi:

1602: Gilles de Roberval, umuhanga mu mibare w’umufaransa, ubuvumbizi bwe bukaba bugikoreshwa mu mibare y’ubu ndetse akaba yaranavumbuye umunzani ukoreshwa kuri ubu nibwo yavutse aza kwitaba Imana mu mwaka w’1675.

1814: Henri Nestlé, umucuruzi w’umudage akaba ariwe washinze uruganda ruzwi ku isi mu gukora ibintu bikomoka ku buhinzi rwa Nestlé nibwo yavutse aza kwitaba Imana mu mwaka w’1890.

1874: Herbert Hoover, perezida wa 31 wa Leta zunze ubumwe za Amerika nibwo yavutse aza gutabaruka mu mwaka w’1964.

1960: Antonio Banderas, umukinnyi wa film ukomoka mu gihugu cya Espagne akaba azwi cyane muri sinema ya Hollywood nko muri film yamenyekanye cyane ya Desperado nibwo yabonye izuba.

1962: Jeanette Kagame, umufasha wa perezida wa Repubulika y’u Rwanda, Paul Kagame yabonye izuba.

1971: Roy Keane, umukinnyi w’umupira w’amaguru w’umwongereza wamenyekanye cyane mu ikipe ya Manchester United no mu ikipe y’igihugu y’ubwongereza nibwo yavutse.

1997: Kylie Jenner, umunyamidelikazi w’umunyamerika, akaba murumuna wa Kim Kardashian nibwo yavutse.

Abantu bapfuye uyu munsi:

1999: Jennifer Paterson, umukinnyikazi wa film w’umwongereza akaba yari icyamamare cyane muri icyo gihugu bitewe na film zica kuri televiziyo yari yarakinnye zitwa Two Fat Ladies nibwo yitabye Imana.

2011: Billy Grammer, umuririmbyi, umwanditsi w’indirimbo, umucuranzi wa guitar w’umwongereza nibwo yitabye Imana.

2012: Carlo Rambaldi, umuhanga mu gukora ibintu bidasanzwe mu mashusho ya film (special and visual effects) w’umutaliyani akaba azwi cyane muri film King Kong (1976) na E.T The Extra-Terrestrial (1982) nibwo yitabye Imana.

Iminsi mikuru yizihizwa uyu munsi:

Uyu munsi ni umunsi mpuzamahanga wahariwe amavuta y’ibinyabiziga akomoka ku bimera (International Biodiesel Day).