Mu 1941 Robert Baden-Powell washinze umuryango w’aba Scouts yaratabarutse: Bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1867: Abirabura b’abagabo bo muri Amerika babonye uburenganzira bwo gutora muri Washington D.C.

1912: Ishyaka rya ANC mu gihugu cya Afurika y’epfo, rikaba rizwi kuba ariryo ryabarizwagamo Nelson Mandela ryarashinzwe.

1971: Bitewe n’igitutu cy’umuryango mpuzamahanga, uwari perezida wa Zulfikar Ali Bhutto yarekuye umunya-Bangladesh Sheikh Mujibur Rahman muri gereza, akaba yari yarafashwe kubera guharanira ubwigenge bw’igihugu cya Bangladesh.

1981: Umuhinzi wo mu ntara ya Trans-en-Provence yo mu Bufaransa, yavuze ko abonye ikintu mu kirere kidasanzwe (ikivejuru), iki kikaba ari cyo cya mbere cyagaragaye bishoboka ko aricyo cyonyine cyizewe ko cyabayeho mu mateka y’isi.

2010: Mu gihe cy’imikino y’igikombe cy’isi cyabereye muri Afurika y’epfo, abantu bitwaje intwaro bateye imodoka yari itwaye ikipe y’igihugu y’umupira w’amaguru ya Togo maze bicamo abantu 3.

Abantu bavutse uyu munsi:

1935: Elvis Presley, umuhanzi akaba yari n’umukinnyi wa filime w’umunyamerika wamamaye cyane mu njyana ya Rock n Roll yabonye izuba, aza gutabaruka mu 1977.

1942: Steven Hawking, umuhanga mu bumenyi bw’ubugenge w’umwongereza akaba n’umwanditsi w’ibitabo nibwo yavutse.

1967: R. Kelly, umuhanzi w’umunyamerika yabonye izuba.

1975: DJ Clue?, umuraperi akaba n’umu DJ w’umunyamerika nibwo yavutse.

1977: Amber Benson, umukinnyikazi wa filime w’umunyamerika nibwo yavutse.

1979: Adrian Mutu, umukinnyi w’umupira w’amaguru w’umunyaromaniya nibwo yavutse.

1982: John Utaka, umukinnyi w’umupira w’amaguru w’umunyanigeriya nibwo yavutse.

1983: Kim Jong-un, umutegetsi w’ikirenga (perezida) wa Koreya ya ruguru nibwo yavutse.

1986: David Silva, umukinnyi w’umupira w’amaguru wo muri Espagne nibwo yavutse.

2000: Noah Cyrus, umukinnyikazi wa filime akaba n’umuririmbyikazi w’umunyamerika, akaba ari murumuna wa Miley Cyrus nibwo yavutse.

2005: Zahara Jolie-Pitt, umwana wa Angelina Jolie na Brad Pitt bavanye mu gihugu cya Ethiopia nibwo yavutse.

Abantu bitabye Imana uyu munsi:

1642: Galileo Galilei, umutaliyani wari umuhanga mu by’ubugenge, imibare, ubumenyi bw’ikirere akaba yari n’umucurabwenge yaratabarutse, ku myaka 78 y’amavuko.

1825: Eli Whitney, umuvumbuzi w’umunyamerika, akaba ari we wavumbuye imashini itunganya ipamba yaratabarutse, ku myaka 60 y’amavuko.

1941: Robert Baden-Powell, umusirikare w’umwongereza, akaba ariwe washinze umuryango w’aba-Scout yaratabarutse, ku myaka 84 y’amavuko.

1996: François Mitterrand, wabaye perezida wa 21 w’ubufaransa yaratabarutse, ku myaka 80 y’amavuko.