Uyu munsi ni kuwa 7 w’icyumweru cya 7 mu byumweru bigize umwaka tariki 19 Gashyantare, ukaba ari umunsi wa 50 mu minsi igize umwaka, hakaba habura iminsi 315 ngo umwaka urangire.
Ibintu by’ingenzi byaranze uyu umnsi mu mateka y’isi:
356: Umwami w’abaromani Constantius II yatanze itegeko ryo gufunga insengero zose z’abatari abakirisitu (abagatolika) mu bwami bw’abaroma bwose.
1884: Inkubi z’imiyaga zigera kuri 60 zibasiye amajyepfo ya Leta zunze ubumwe za Amerika, zikaba zibarirwa mu nkubi z’imiyaga zikaze zabayeho mu mateka y’iki gihugu.
1959: Ubwongereza bwahaye igihugu cya Chypres ubwigenge, bwagezweho byuzuye tariki 16 Kanama 1960.
1985: William J. Schroeder niwe muntu wa mbere washyizwemo umutima w’umukorano wabashije gusohoka mu bitaro agakomeza kubaho.
Abantu bavutse uyu munsi:
1473: Nicolaus Copernicus, umuhanga mu mibare no mu bumenyi bw’ikirere w’umunya-Pologne, akaba ariwe wavumbuye uburyo isi izenguruka izuba mu gihe byavugwaga ko izuba rizenguruka isi nibwo yavutse aza gutabaruka mu 1543.
1977: Gianluca Zambrotta, umukinnyi w’umupira w’amaguru w’umutaliyani nibwo yavutse.
1979: Sergio Júnior, umukinnyi w’umupira w’amaguru w’umunyabrazil nibwo yavutse.
1979: René Renno, umukinnyi w’umupira w’amaguru w’umudage nibwo yavutse.
1986: Marta Vieira da Silva, umukinnyi w’umupira w’amaguru w’umunyabrazil nibwo yavutse.
1993: Mauro Icardi, umukinnyi w’umupira w’amaguru wo muri Argentine nibwo yavutse.
1993: Victoria Justice, umukinnyikazi wa filime, umuririmbyikazi akaba n’umubyinnyikazi w’umunyamerika nibwo yavutse.
Abantu bitabye Imana uyu munsi:
2007: Celia Franca, umubyinnyi w’umunyakanada ukomoka mu bwongereza akaba ariwe washinze itorero ry’imbyino ry’igihugu cya Canada yitabye Imana, ku myaka 86 y’amavuko.
2013: Lou Myers, umukinnyi wa filime w’umunyamerika yitabye Imana, ku myaka 76 y’amavuko.
2013: Hubert Schieth, umutoza w’umupira w’amaguru w’umudage yitabye Imana, ku myaka 86 y’amavuko.
TANGA IGITECYEREZO