Menya bimwe mu byaranze itariki 24 Werurwe mu mateka

Ibintu by’ingenzi byaranze uyu munsi mu mateka y’isi:

1707: Igihugu cy’ubwongereza na Ecosse byasinye amasezerano yo kwiyunga, aho byahise bireme ubwami bunini bw’ubwongereza.

1829: Inteko y’ubwami bw’abongereza yongeye gusinya itegeko ryemerera abayoboke b’idini Gatolika gukora mu nteko ishinga amategeko, nyuma y’igihe kirekire iri dini ryaraciwe mu butegetsi bw’ubwongereza.

1837: Mu gihugu cya Kanada, abirabura bahawe uburenganzira bwo gutora.

1854: Mu gihugu cya Venezuela ubucakara bwaraciwe burundu.

1882: Umushakashatsi Robert Koch yatangaje ko amaze kuvumbura agakoko ka mycobacterium tuberculosis, kakaba ari agakoko gatera indwara y’igituntu.

1959: Ishyaka ry’ubumwe bw’abanyafurika ryari rigamije gufasha ibihugu guharanira ubwigenge ryashinzwe na Léopold Sédar Senghor afatanyije na Modibo Keïta.

Abantu bavutse uyu munsi:

1693: John Harrison, umuhanga mu gukora amasaha akaba yari n’umufundi w’umwongereza, akaba ariwe wavumbuye isaha nyamubazi (chronometre) nibwo yavutse, aza gutabaruka mu 1776.

1930: David Dacko wabaye perezida wa mbere wa Centrafrika nibwo yavutse, aza gutabaruka mu 2003.

1951: Tommy Hilfiger, umuhanzi w’imyambaro w’umunyamerika akaba ariwe washinze uruganda rukora imyambaro yo mu bwoko bwa Tommy Hilfiger nibvwo yavutse.

1976: Aliou Cissé, umutoza wigeze no kuba umukinnyi w’umupira w’amaguru w’umunyasenegali nibwo yavutse.

1977: Corneille Nyungura, umuhanzi w’umunyarwanda ufite n’ubwenegihugu bwa Canada yabonye izuba.

1984: Benoît Assou-Ekotto, umukinnyi w’umupira w’amaguru w’umunyakameruni ufite n’ubwenegihugu bw’ubufaransa nibwo yavutse.

1987: Ramires, umukinnyi w’umupira w’amaguru w’umunyabrazil nibwo yavutse.

Abantu bitabye Imana uyu munsi:

1603: Elizabeth I of England, umwamikazi w’ubwongereza yaratanze.

1776:John Harrison, umuhanga mu gukora amasaha akaba yari n’umufundi w’umwongereza, akaba ariwe wavumbuye isaha nyamubazi (chronometre) yaratabarutse, ku myaka 73 y’amavuko.

2013: Paolo Ponzo, umukinnyi w’umupira w’amaguru w’umutaliyani yitabye Imana, ku myaka 41 y’amavuko.

Iminsi mikuru yizihizwa uyu munsi:

Uyu munsi ni umunsi mukuru w’abatagatifu: Catheline na Simon.

Uyu munsi ni umunsi mpuzamahanga w’igituntu.