RFL
Kigali

Mario Balotelli yahanishijwe kudakina umukino n' amande asaga miliyoni 21

Yanditswe na: Alphonse Mukundabantu
Taliki:19/12/2014 7:16
2


Mario Balotelli, rutahizamu wa Liverpool yahanishijwe kudakina umukino umwe uzabahuza na Arsenal no kwishyura amande y’ amayero 25,000 ni ukuvuga miliyoni makumyabiri n’ imwe, ibihumbi maganatandatu na bibiri y’ amanyarwanda, azira ibyo yatangaje ku rubuga rwa Instagram



Mario Balotelli kandi nyuma yo gucibwa aka kayabo k’amafaranga yategetswe kugana ishuri rikanamwigisha ndetse hakaba hashobora kuza kwiyongeraho ibihano ashobora kongera gufatirwa n’ ikipe ye ya Liverpool.

mario

Mario Balotelli yahanishijwe kutazakina umukino uzabahuza na Arsenal ndetse akanishyura akayabo k' amande asaga miliyoni 21 z' amanyarwanda

Mario Balotelli yahise yemera ibi bihano byose yafatiwe n’ ishyirahamwe ry’ umupira w’ amaguru mu gihugu cy’ u Bwongereza (FA) abinyujije ku rubuga nkoranyambaga rwa twitter

mario

Ugenekereje mu rurimi rw' ikinyarwanda, Mario Balotelli yaciye ku rubuga rwa instagram ashyira akantu maze yandikaho ati: “ Ntukabe ugira ivanguramoko, mera nka Mario waremwe n’ abayapani, avuga icyongereza agasa n’ umunyamegizike, agasimbuka nk’ umwirabura, agacakira ibiceri nk’ umuyahudi”

Akimara gushyira ako kantu kuri instagram ye, abamukurikiranaga bahise babivugaho mu buryo butandukanye, bamwe ntibabyakira neza nawe ahita abacecekesha avugako nyina ari umuyahudi.

mario

“Mama wanjye ni umuyahudi, mwese ndabasaba guceceka” Mario Balotelli asubiza abari bamukurikiye

mario

mario

Mario Balotelli akimara kumenya ibihano yafatiwe yahise ajya ku kurukuta rwa twitter ye asaba imabazi abafana n' abakinnnyi bose yaba yarababaje 

Ibi byose yagiye yandika byatumye ishyirahamwe ry’ umupira w’ amaguru mu gihugu cy’ u Bwongereza (FA) rimufatira ibihano bikarishye. Gusa nawe akaba yahise abyakira kandi anasaba imababazi abinyujije kuri twitter ye.

Alphonse M.PENDA






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • MAISHA REGIS9 years ago
    Birababaje kabisa ariko niyihangane pe
  • Nshimiye peter9 years ago
    Niba yarabivuze birakwiyeko afatirwa ibihano nabandi babonereho murakoze





Inyarwanda BACKGROUND