Korali Iriba ni imwe mu makorali akomeye kandi yibitseho abafana benshi yaba muri muri ADEPR ndetse no mu yandi madini atandukanye ikaba ikorera uyu murimo w’Imana muri ADERP yo mu Karere Ka HUYE.
Iyi korali imaze gukora imizingo (album) y’amajwi igera kuri itatu harimo n’imizingo ibiri y’amashusho kuri ubu baratangaza ko bamaze gutunganya ibisabwa byose kugira ngo amashusho y’umuzingo wabo wa 2 bawumurikire abafana babo.
Ni mu gitaramo kizaba kuri uyu wa 19/10 uyu mwaka aho bazaba basusurutsa abakunzi babo bo mu karere ka Huye muri salle y’inzu mberabyombi iherereye mu mugi rwagati, buri wese akaba yemerewe kwinjira ku buntu maze akaryoherwa n’imiririmbire myiza y’aba baririmbyi.
Nk’uko byatangajwe n’abayobozi ba Korali Iriba, amashusho agize iyi Album yabo atandukanye kure n’ayagaragaraga mu yambere nabo bemeza ko atabaye meza. Mu kiganiro n’umunyamakuru wa umugisha.com, umuyobozi mukuru yahaye ikaze abantu bose bari impande zitandukanye z’u Rwanda kuzaza kuryoherwa niki gitaramo cyo guhimbaza Imana
Twabibutsa ko kuri icyi cyumweru abaririmbyi ba korali Iriba bazitabira Concert yateguwe yo gufata mu mugongo umuryango wa Nyakwigendera Kanyamibwa Patrick kizabera kuri CLA i Nyarutarama.
Eng
RSS 
TANGA IGITECYEREZO