Korali Ambassadors of Christ n'andi makorali basangiye n'abana bo mu kigo cy'imfubyi cya Gakoni bazigenera impano z'agaciro gasaga miliyoni 2 - AMAFOTO

Iki kigo cy’ imfubyi cy’ abadiventisiti cya Gakoni giherereye mu karere ka Gatsibo kikaba kirera abana hafi 50 batarabona imiryango ibakira ngo bayirererwemo nk’ uko gahunda ya Leta igamije gukura abana mu bigo by’ imfubyi ibiteganya

Iki kigo nicyo cyareze Manzi Nelson na mushiki we Sarah Uwera bombi baririmba muri korali ya Ambassadors ndetse bakaba bararerewe muri ki kigo kuva bamara kubura ababyeyi bombi bamaze kwitaba Imana, aba bana nibo bagize uruhare mu gutegura iki gikorwa bazirikana ubuzima babayemo birinda kwibagirwa abana bakirererwa muri iki kigo

Ikigo cy' imfubyi cya Gakoni gihereye mu karere ka Gatsibo

Ambassadors n' abayiherekeje bageze mu kigo

Bahise bajya gusuhuza abana

Korali Friends of Jesus na Patmos nibo bifatanyije na bagenzi babo muri iki gikorwa cyishimiwe cyane n’ abana b’ imfubyi barererwa muri iki kigo, ubuyobozi ndetse n’ abaturage muri rusange

Mu nkunga babashije gutera aba bana harimo ibyo kurya, imyambaro, inkweto, amasabune yo kumesa, amavuta yo kwisiga, ibitabo byo kubafasha mu myigire yabo, ibikoresho by’ ishuri ibikoresho by’ isuku n’ ibindi bitandukanye. Ibi bintu byose byakusanyijwe na korali Ambassadors ndetse n’ inshuti zayo zayifashije mu gukusanya ibi byose, yatwaye amafaranga asaga miliyoni 2 n’ ibihumbi Magana abiri y’ amafaranga y’ u Rwanda

Ubutumwa bwatangiwe muri uyu muhango na Manzi Nelson, umwe mu barerewe muri iki kigo yagerageje guhumuriza abana ababwira ko bidatinze bazabona imiryango ibakira nabo bakongera kubaho bishimye nk’ abandi bana

Iki gikorwa kikaba cyasojwe no gusangira n’ abana mu rwego rwo kubaha icyubahiro n’ urukundo ndetse haza gusozwa n’ igitaramo aho amakorali yose yasusurukije abaturage bari baje kwifatanya nabo muri uyu muhango wari ufite byinshi usobanuye ku bagiteguye

Ikigo kirera abana bari mu kigero cy' imyaka yo hasi

Abaririmbyi ba Ambassadors bamaze kwicara

Abari baturutse i Kigali bari benshi

Abitabiriye uyu muhango basobanuriwe amavu n' amavuko y' iki kigo

Manzi asobanura ubuzima babayemo mpaka bavuye muri kigo

Habayeho gukina n' abana

Bamwe mu barerewe muri iki kigo

 Abana bashyikirijwe impano bagenewe

Izi mpano aba bana bagenewe zatwaye asaga miliyoni 2 z' amanyarwanda

Habayeho gusabana n' abana bose

Ambassadors of Christ yashimishije abari bitabiriye uyu muhang

Korali Friends of Jesus yifatanije na Ambassadors 

Korali Patmos nayo yagize uruhare rukomeye mu gutegura iki gikorwa

Alphonse M.PENDA