Kuri uyu mugoroba wo ku wa Kane tariki ya 30 Werurwe 2017 ahagana ku isaha ya saa kumi n’ebyeri n’igice(18h30) nibwo umugore wigaga imodoka akoze impanuka ku muhanda uva Kacyiru ugana mu mujyi umanukiye iruhande rw’Ambasade y’abanyamerika n’Akarere ka Gasabo, aho yataye umuhanda yinjira mu kabari kari hafi aho.
Cyakoze imana yakinze akaboko kuko iyi mpanuka nta muntu yahitanye uretse ko harimo umugabo umwe wari hafi aho wakomeretse cyane ku kuguru. Ubwo umunyamakuru wa Inyarwanda.com yageraga ahabereye iyi mpanuka yasanze bamujyanye kwa muganga.
Imbangukiragutabara yahise ihagera
Yafatiye feri kuri uyu mukindo
Habuze gato ngo yinjiremo
N'ubwo iyi modoka yakoze impanuka nta birango biyigaragaza nk'ishinzwe kwigisha(auto-ecole), ababonye n’amaso yabo iyi mpanuka bemezaga ko yatewe n’uko uyu mugore yigaga aho yari kumwe n’undi muntu wamwerekeraga ariko akaza guhuzagurika kugeza ubwo ataye umuhanda akinjira mu kabari. Uyu mugore wakoze iyi mpanuka twasanze yafashwe n'inzego zishinzwe umutekano wo mu muhanda.
Uyu mugabo uri mu kaziga niwe wari kumwe mu modoka n'umugore wari utwaye
Aha ni ku muhanda uva isangano y'umuhanda wa Kacyiru umanuka ujya mu mujyi unyuze ku Kimicanga
AMAFOTO: Iradukunda Desanjo
Eng
RSS 
TANGA IGITECYEREZO